Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> مسکینیاں شسکینیاں: ہنجو دار پٹاکے

مسکینیاں شسکینیاں: ہنجو دار پٹاکے

سودا مسکین
June 16th, 2011
5 / 5 (13 Votes)

تیرے ویہڑے، میں رات وڑ آنواں
چُک کے ات وادیاں نوں لے جاواں
۔۔۔
مینوں لگنی ایں تھان اطلس دا
تینوں چولا بڻا کے گل پانواں
۔۔۔
اُردو، اُردو، زبان لشکر دی
تیرے صدقے ایہہ مارشل لاواں
۔۔۔
کتھے لخِیا اے وچ نکاح نامے
تیرے ہتھوں، میں روز کُٹ کھانواں
۔۔۔
چیٹ کردی نوں کیوں توں ڈکنا ایں
ہڈیاں، تیریاں میں کڑکانواں
۔۔۔
داڑھی دتّی آ ، نال مال وی دیہہ
بوہا رب دا میں روز کھڑکانواں
۔۔۔
کوئٹے دا مدان خالی اے
بنگلہ دیش ہور بنواواں
۔۔۔
میں وپاری ہاں رب دے سودے دا
چڑھ کے منبر تے مال وکواواں
۔۔۔
اس تباہی دا دوش مینوں نہ دے
میں پچی پے کے کاہنوں، پچھتاواں
۔۔۔۔۔
موسا ، دیویں اُدھار سوٹا ذرا
ساری ایجنسیاں نوں یرکاواں
۔۔۔۔
قاتلاں دی ایہہ فوج کردی اے موج
ایہنوں مگروں میں کس طرح لاہواں
۔۔۔۔
رو کے مسکین بینتی کردا
میرا مُردہ نہ کھونڈ اوئے کانواں
۔۔۔۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels