Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> میں اسامہ دی لوتھ لبھ کے لیاواں گا: امریکی غوطہ خور

میں اسامہ دی لوتھ لبھ کے لیاواں گا: امریکی غوطہ خور

وچار ڈیسک
June 16th, 2011

اک امریکی غوطہ خور نے سمندر وچ القاعدہ دے پردھان اسامہ بن لادن دی لوتھ لبھڻ دا ارادہ ظاہر کیتا ہے۔ ایہہ بندہ سمندر دی تہہ وچ خزانہ لبھڻ دے حوالے نال وی مشہور ہے۔

'' میں ٹھیک کہہ رہیاں، میں مخول نہیں کررہیا۔ میں ایہہ کم ہر حال وچ کراں گا۔'' ایہہ لفظ سی بل وارن دے۔ بل دا سانگا سان ڈیاگو نال ہے تے اوہ سکھے ہوئے غوطہ خور نیں۔ اوہناں نے کہیا اوہ بحیرہ عرب وچ اسکیننگ دی مدد نال بن لادن دی لوتھ لبھڻ دی کوشش کرڻ گے۔ اوہناں کہیا اصل وچ اوہ ایہہ پتہ کرنا چاہوندے نیں پئی اوہناں دے صدر باراک اوباما نے اسامہ دی موت دے حوالے نال جیہڑا بیان دتا ہے اوہ سچ وی ہے یاں نہیں ؟

بل وارن موجب جدوں اوہناں نے القاعدہ دے پردھان دی لوتھ لبھڻ دے اپنے مشن بارے کجھ وپاریاں نوں دسیا تے اوہناں ایس منصوبے تے سرمایا کاری دی حامی بھر لئی۔ اک گویڑ موجب لبھڻ دے کم وچ چار لکھ ڈالر خرچہ آوے گا۔ اوہناں کہیا اوہ اگلے مہینے اپنی کیمرہ ٹیم دے نال ہندوستان توں اپنی مہم شروع کرڻ گے اوہناں موجب جہاز تے اک انج دا اسیکینر لایا جاوے گا جیہڑا سمندر دی تہہ وچ تن ہزار فٹ تیکر ڈوہنگیائی وچ موجود شیواں بارے جانکاری دیندا ہے۔

اک گویڑ موجب ایس کم تے اٹھ ہفتے لگ سکدے نیں۔ بل نے کہیا جے اوہناں دا ایہہ مشن کامیاب رہیا تے اوہ اسامہ دی لوتھ دے نمونے لے کے اوہناں دا ڈی این اے ٹیسٹ کراؤڻ گے ''۔ جے ناکامی ہوئی تے خورے سمندر دی تہہ وچ کوئی خزانہ ساڈے ہتھ لگ جاوے۔' نال ہی اوہناں کہیا اوہ ایہدے وچکار اک دستاویزی فلم وی بڻاؤڻ گے جیہڑی مگروں کسے ٹی وی چینل نوں ویچ دیڻ گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels