Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> چوتیا تے کھاوو پیو پارٹی

چوتیا تے کھاوو پیو پارٹی

May 29th, 2011

اج شیدا  نسا نسا میرے ول آیا تے کہن لگا  چھیتی نال دس  ایہہ "ڈفر" کیہہ ہوند ا ہے ؟

میں  ہس کے کہیا جیویں توں ہیں ۔

کہن لگا نہیں یار توں سچی مچی دس ایہہ کہنوں کہندے نیں؟

میں کہیا   ڈفر دا مطلب ہے احمق، بیوقوف، ان پڑھ، بے عقل ، ناسمجھ۔۔

شیدا کہندا   : اچھا اچھا میں سمجھ گیاں۔ توں ایہہ کیوں نہیں کہندا  ، مورکھ تے چوتیا 

میں کہیا تیری زبان وچ  اِنج ہی ٹھیک ہے، پر ہوئیا کیہہ کون ڈفر  کہہ گیا تینوں ؟

اوہ نہیں مینوں نہیں کوئی کہہ گیا۔  اوہ اک مائی  اج ٹی وی تے آئی سی، اوہ بڑی مشہور  ہے وکیلاں دی لیڈر، کیہہ ناں ہے۔۔ جیلانی یا گیلانی ،  واہ بئی  واہ   کیہہ گجی اے مائی، بئی اوہنے تے فوجیاں دا لاہ پھاہ کردتا تے نال ہی اوہناں  نوں ڈفر  وی کہہ گئی۔کہندی ہے فوجی سیاست وچ لت ماردے نیں، ایہناں نیں ہر گلی وچ دہشت گرد پیدا کردتے ہین ، آپ ہی طالبان پالدے ہین تے آپ ہی ساڈے معصوم بچیاں اوہناں ہتھوں مرواندے نیں۔ نہ ہی   ایہہ لڑن جوگے نیں تے نہ ہی  ملک چلاون جوگے، ایہہ بس کھیڈاں کردے، ٹھٹھے ماردے تے پلاٹ لین دیاں گلاں کردے نیں"

اچھا ایہہ تے یار بڑی وڈی گل کہہ گئی ہے، کیہہ اوہ جھلی ہے، اوہنوں ڈر نہیں  لگدا؟

یار ویکھن نوں تے  سیانی بیانی لگدی ہے، پر یار بہادر لوک جھلے تے تھوڑے ہوندے ای نیں نا۔ نہیں تے باقی سیانیاں کاواں وانگ  اسمبلی وچ بہہ کے  گپاں  مارے  تے موج لوے۔ ہاں یاد آیا اوہ  اسمبلی دی قراداد نوں ٹائیلٹ  پیپر  وی کہہ گئی۔ کہندی ہے ایہہ   

ٹائیلٹ  پیپر  ہے ہور کجھ وی  نہیں۔ ایہہ لوکاں نوں چکر دین لین  قراردادمنظور کیتی گئی ہے۔

اوس نے کوئی  وجہ دسی ایہدی  جو ایہہ ٹائیلٹ  پیپر کیوں ہے؟

ہاں اوہ کہندی ہے جو لڑائی ساڈے ملک دے اندر لڑی جا رہی ہے اوس بارے ایس   وچ کجھ وی نہیں کہیا گیا، ایہہ صرف فوج  دی چمچہ گیری  لئی منظور کیتی گئی ہے، اوہ کہندی ہے ایتھے کدی وی  فوج نے  سیاستداناں نوں  اقتدار  نہیں دتا۔ ایہہ وچارے سیاستدان  اوہناں نوں مائی باپ کہندے ہین ، اوہناں فوج کولوں حساب کیہہ منگنا ہے؟

میں کہیا شیدیا تیرا کیہ خیال ہے؟

شیدا کہندا یار گلاں تے ٹھیک ہی کر کے گئی ہے۔ ایہہ طالبان تے جہادی تے اہناں آپ ہی پیدا کیتے نیں اوہو مارا ماری کر رہے ہین۔ ساری گل امریکہ تے پادین نال جہادی تھوڑے ہی  مُک جانے ہین، جہادی تے ساڈے وچکار بیٹھے ہین ، توں میں تے روز اوہناں  نوں ملنے آں ، تینوں وی پتہ ہے اوہ کس طرحاں دے لوک ہین  ، اوہ ملوٹے ہین تے امریکہ رہوے یا جاوے اوہناں اپنا نظام ساڈیاں ناساں وچ تُنن دا جتن ضرور کرنا ہے۔ ایہہ گل تے اوہ ٹھیک کہندی ہے! تے میں تے  ایہو کہواں گا  جو ایس طرحاں دیاں لوکاں  نوں پالن والے چوتیا ہی ہوون گے ۔ پر یار اسیں وی سارے چوتیا ہی آں جیہڑے ایس فوج   دیاں صفتاں  کرنے آں!

 


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels