Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> جوان دھی نے ماپیاں نوں بڈھے وارے دوجا بال جمڻ لئی منا لیا

جوان دھی نے ماپیاں نوں بڈھے وارے دوجا بال جمڻ لئی منا لیا

وچار ڈیسک
April 18th, 2011

لندن وچ وسدی اک 30 ورھیاں دی گجراتی کڑی نے آپڻے ماپیاں نوں 60 ورھے دی عمر وچ اک ہور بال جمڻ لئی منا لیا۔

ماپیاں دی اکو اک کڑی نوں پتا سی پئی اوہدے ماپے سدا توں ای دو نیاڻے چاہوندے سڻ۔ کڑی نے ای میل راہیں ہندوستان وچ اک ڈاکٹر نال صلاح کر لئی اتے آپڻی 52 ورھیاں دی ماں اتے 60 ورھیاں دے پیو نوں منا لیا پئی اوہ سائنسی طریقے نال اک بال ہور جم لیڻ جیہدے نال اوہناں دی دو نیانیاں دی سدھر وی پوری ہو جاوے گی تے اوہدا وی کوئی بھیڻ بھرا ہو جاوے گا۔

30 ورھیاں دی کڑی جیہدا آپڻا حالے ویاہ نہیں ہویا ہے، نے آپڻے ماں پیو نال وعدہ کیتا ہے پئی اوہ اوہناں دے بال نوں آپڻے ہتھیں پالے گی۔ راضی ہوڻ مگروں مائی بابا ہندوستان آئے جتھے ڈاکٹراں نے بندے دا نطفہ زنانی دے رحم وچ رکھ دتا۔

ڈاکٹر کڑی دے ایس کم توں بڑے متاثر ہیڻ۔ ڈاکٹر دا آکھڻا ہے پئی ہڻ تیکر اسیں بہت سارے جوڑے ویکھے ہیڻ جیہڑے بال جمڻ دی سدھر نال آپڻے پہلے نیاڻیاں نوں لے کے ساڈے کول آؤندے ہیڻ۔ پر اولاد ماں پیو نوں اک ہور نیاڻا جمن لئی نال لیاوے ایہہ پہلی واری ویکھیا ہے۔

جوڑے نے ڈاکٹراں نوں دسیا پئی اوہ دو نیاڻے چاہوندے سڻ پر پہلی کڑی توں مگروں زنانی فیر کدی حاملہ نہیں ہو سکی۔ دھی نے پورا سال لا کے ایس سارے عمل نوں سمجھیا اتے ہُڻ ساریاں دا سفنا پورا ہوڻ وچ بہتا چر نہیں لگے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels