Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> زنا نیاں تنّی منٹی مُک مُکا کر لیندیاں ہین!

زنا نیاں تنّی منٹی مُک مُکا کر لیندیاں ہین!

April 9th, 2011

لوو بئی سجنو  تے مترو  تہاڈے کول زنانی نوں ریجھاون لئی کجھ تِن منٹ ہوندے نیں، جے ریجھ گئی واہ بھلا نہیں تے تسیں کجھ نہیں کر سکدے۔ تسیں کہوو گے تناں منٹاں وچ تے دعا سلام وی نہیں ہوندی  پر کیہہ کیتا جاوے اک نویں سروے وچ ایہو نتیجہ نکلیا ہے جو زنانیاں صرف تِن منٹ وچ مرد بارے سوچ لیندیاں ہین جو اوہناں لئی مسٹر رائٹ ہے یا مسٹر رونگ۔

 

ایس سروے وچ تن ہزار بالغ زنانیاں کولوں پچھیا گیا سی۔ سروے وچ ایہ وی پتہ لگا جو زنانیاں اک واری مُک مکا کرکے پھیر اپنا فیصلہ بدلیاں نہیں اوہناں دا خیال ہوندا جو اوہناں دے اندر دی پہلی آواز  (جبّلت) کدی غلط نہیں ہو سکدی۔

 

ایہہ سروے اک مسٹربنکے نے اپنی نویں کتاب لئی کیتا ہے۔ اوہ کہندے نیں " بڑے لوکیں دوجی جنس نال ملدیاں اپنی اندر دی آواز تے بھروسہ کردے ہین۔ لوکاں نوں لگدا ایہہ اندر دا جادو ہے پر ایہہ حیران کرن والی گل ہے جو زنانیاں ایڈی چھیتی مُک مکا  کر لیندیاں نیں۔ اینے چر وچ تے اک ڈرنک وی نہیں پیتی جاندی"

 

سروے وچ دسیا گیا ہے جو زنانیاں دل وچ  مُک مکا تے کر لیندیاں ہین پر پھیر وی دوجے مرداں نوں موقع دیندیاں ہین ۔ چلو  تسیں خوش ہوجاآ تہانوں اجے وی موقع ملے گا۔

 

اُنج میرا اک مسئلہ حل ہو گیا ہے۔ میں ہیر رانجھا تے ہور عشقیہ فلماں ویکھ کے حیران ہوندا ساں جو تن منٹاں وچ عشق کیویں ہو جاندا ہے ۔ اوہ تے ایس سروے نے گل صاف کر دتّی۔ پر تہاڈے وچوں کُجھ سجن ہس رہے ہوون  گے جو ایہہ تے لہندے تے امریکہ دیاں  زنانیاں ہین جیہڑیاں تن منٹی فیصلہ کر لیندیاں نیں ۔ ساڈے تے فیصلے ماں پیو  نے سالاں مہینیاں دی پُن چھان توں مگروں کرنے ہوندے نیں۔ تے جے آپ کڑی مناونی ہووے تے پتہ نہین کنا چر بس سٹاپاں تے  اوسدے گھر دے چکر مارنے پیندے نیں پہلا فقرہ بولن لئی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels