Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> ہندوستان دے قاتل ڈاکٹراں دے 'لڈو' اتے 'جلیبیاں'

ہندوستان دے قاتل ڈاکٹراں دے 'لڈو' اتے 'جلیبیاں'

وچار ڈیسک
April 8th, 2011

"لڈو" دا مطلب ہے "منڈا" اتے "جلیبی" دا مطلب ہے "کڑی"۔ ایہہ اوہ گجھے کوڈ ہیڻ جیہڑے ہندوستان دے قاتل ڈاکٹر الٹراساؤنڈ کرن مگروں ایہہ دسڻ لئی ورتدے ہیڻ پئی منڈا جمے گا یاں کڑی۔

ہندوستان وچ بال جمڻ توں پہلاں ای الٹراساؤنڈ کروا کے دیکھ لیا جاندا ہے پئی جمڻ والے بال دی جنس کیہ ہے اتے جے کڑی ہوئے تے جمڻ توں پہلاں ای اوہدے توں جان چھڈا لئی جاندی ہے۔ ایسے کرکے ہندوستان وچ منڈیاں دے مقابلے وچ کڑیاں دی گڻتی دنوں دن گھٹدی جا رہی ہے۔

الٹراساؤنڈ سینٹراں نے آپڻا ہی اک تاڻا باڻا بڻیا ہویا ہے جیہدے وچ ڈاکٹر سدھے رلتی نہیں ہوندے سگوں اوہناں نے اگے آپڻے دلال رکھے ہوئے ہیڻ جیہڑے مُک مُکا کر کے الٹراساؤنڈ کراؤن والیاں نوں لیاؤندے ہیڻ۔ جے کوئی سدھا ایہہ گل پچھڻ آ جاوے تاں اوہنوں اُنج ہی نسا دتا جاندا ہے۔ دلیاں راہیں مک مکا کر کے زنانیاں نوں کویلے سدیا جاندا ہے۔ چیک اپ ہوڻ مگروں دلال گھر والیاں نوں ایہہ آکھدیاں اطلاع کردا ہے پئی 'لڈو ونڈو' یاں 'جلیبیاں ونڈو'۔

ہریاڻہ وچ ایہہ رِیت رہی ہے پئی منڈے دے ویاہ وچ لڈو ونڈے جاندے ہیڻ اتے کڑی دے ویاہ تے جلیبیاں۔ الٹراساؤنڈ مگروں کڑی ہوڻ دا پتہ لگڻ تے ایہناں ڈاکٹراں دی فیر موج ہو جاندی ہے اتے ایہہ وڈیاں وڈیاں فیساں لے کے حمل ضائع کردے ہیڻ۔ وسیلیاں موجب اک سرکاری ڈاکٹر نوکری دے نال نال انج دے اک کلینک وچ سوا لکھ روپیہ مہینے دے تنخواہ تے کم کردا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels