Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> میچ حکومت سیاستداناں تے میڈیا نے ہرایا بونگا چشتی

میچ حکومت سیاستداناں تے میڈیا نے ہرایا بونگا چشتی

April 2nd, 2011

میں پچھیا او کیویں؟

کہندا یار سارے مُلک نے آپڻی اڻکھ دا بھار اوہناں وچاریاں جوان مُنڈیاں تے پا دتّا اوہ ایس بھار تھلے ہی آکے پِھس گئے۔

میں کہیا تیرا مطلب کیہ ہے؟

کہندا "یار ویکھ جے سارا مُلک میرے پچھے آپڻی آن میری حجامت کرن تے لا دیوے تے میں تے تھرتھر کنباں گا۔ حجامت میں خصماں دا سِر کرنی ہے۔ توں دس جے اٹھارہ کروڑ اکھاں تینوں ویکھ رہیاں ہوڻ تے توں کُجھ کر سکناں؟"

"پر ہندوستان دی ٹیم نوں تے اک ارب توں ودھ اکھاں ویکھ رہیاں سڻ، اوہ فیر وی جت گئے"

کہندا "توں تھیک کہنا، دو فرق نیں۔ اک اوہناں دے سیاستان ڈنگراں وانگ چارے کُھر چُک کے کھیڈ وچ نہیں کُدّے۔ نہ من موہن سنگھ ہوراں دھونی نوں فون کیتا تے نہ ہی ۔۔۔ اوہ کیہ ناں لئی دا، اوہ جیہڑا نواز شریف وانگ ہندوستان وچ اپوزیشن دا لیڈر آ"

میں کہیا "ایڈوانی"

"ہاں رب تیرا بھلا کرے۔ اوہو،۔ ایتھے وزیر اعظم، نواز شریف، رحمان تے پتہ نہیں کیہڑا کیہڑا شاہد آفریدی نوں فون کر رہیا۔ میڈیا ایس نوں اسلام دی جنگ بڻا رہیا۔ اخیر یار اوہ جوان منڈے ہی نیں۔ ایہہ وچارے مُنڈے کناں کُو بھار چُکدے؟"

تے دوجی گل؟ میں پچھیا؟

اوہ بونگیا، ہندوستان دی ٹیم تے وی اثر ہویا ایس بھار دا نہیں تے اوہ دو سو سٹھ تے سارے آؤٹ نہ ہوندے۔ ویکھ نہ اوہ یوراج جیہڑا ہیرو بڻیا سی زیرو تے گیا۔ پر ہندوستان دی ٹیم سال وچ آپڻے ہی مُلک وچ درجڻاں ٹیماں نال کھیڈی ہے۔ اوس دی بھار چُکڻ دی طاقت بڻ گئی ہے۔ ایس لئی اوہناں اڻکھ دا بھار کجھ چنگے ڈھنگ نال چُک لیا۔ ساڈے نال کوئی کھیڈڻ ہی نہیں آؤندا تے ساڈے کھڈاری آپڻے لوکاں ساہمڻے اڻکھ دا بھار چُکڻ جوگے کیویں بنڻ؟ جناں چر اوہناں تے انکھ دا بھار نہیں پیا اوہ جتدے رہے، جدوں پیا تے ہار گئے"

میں کہیا سارے کہندے نیں اس وچ سازش ہوئی ہے؟

بونگا کہندا مینوں ایہہ تے نہیں پتہ سازش ہوئی یا نہیں پر مینوں ایہہ پتہ پٹرول مہنگا ہو گیا۔

میں کہیا یار توں نائی دا نائی رہڻا۔ گل میچ وچ سازش دی ہو رہی ہے تے توں وچ پٹرول لے آندا؟

اوئے بونگیا میں نائی تے تُوں بونگا رہڻا ہمیش۔ ویکھ ایسے لئی سارے سیاستدان کرکٹ پچھے نس پئے سڻ جو اوہناں دے پلّے کوئی شے نہیں وکھاؤڻ لئی۔ اوہناں سوچیا چلو کرکٹ پچھے لوکاں نوں لاکے چار دن تے سوکھے کڈھ لئیے۔ ہُڻ ویکھ نا تسیں کرکٹ دیاں سازشاں دی بحث وچ لگے او اوہناں پٹرول مہنگا کر دتا۔ جے جت جاندے اوہناں فیر وی مہنگا کردیڻا سی۔ لوکاں نشے وچ ہوڻا سی تے اگلیاں پٹرول دا مُل ودھاؤڻ ول۔ اصلی سازش تے ایہہ آ!


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels