Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> گواہنڈی دی امداد: نیاڻا پھیر وی نہ ہویا کام بخش جنونی

گواہنڈی دی امداد: نیاڻا پھیر وی نہ ہویا کام بخش جنونی

March 28th, 2011

لؤ جی ہور سڻو۔ اسیں ایتھے پیراں دیاں کرنیاں نوں روندے ساں تے یورپ وچ اک ہور ہی چن چڑھ گیا۔ ایہہ یورپی تے خاص کر کے جرمن لوک بڑے عجیب نیں۔ مینوں تے کدی کدی لگدا ایہہ کملے نیں پر اوہناں دی ترقی ویکھو تے ساڈے نالوں کتے بہتے سیاڻے نیں۔

لؤ جی اخبار وچ آیا جو اک جرمن جج دے ساہمڻے عجیب مقدمہ پیش ہویا ہے۔ دیمٹریس ساؤ پولس ناں دے اک بندے نے اوتھوں دی 34 ورھیاں دی بیوٹی کوئن ٹراٹ نال ویاہ کر لیا۔ دوہاں نوں نیاڻے دا بڑا شوق سی پر نیاڻا نہ ہووے۔ جد ساؤ پولس نے میڈیکل چیک اپ کروایا تاں پتہ لگا اوہ تے نیاڻا پیدا ہی نہیں کر سکدا۔ پر اوہنے دِل نہ چھڈیا تے آپڻی بیوی دے رولا پاؤڻ دے باوجود آپڻے گواہنڈی فرینک ماؤس نال گل کیتی۔ماؤس دے آپڻے دو نیاڻے سڻ تے اوس دی شکل وی ساؤ پولس نال ملدی جلدی سی ایس لئی اوہنوں لگا جو کسے نوں شک وی نہیں پوے گا تے گل وی بڻ جاوے گی۔

ساؤ پولس نے آپڻے گواہنڈی نال سودا کر لیا پئی اوہ اوس دی بیوی نوں حاملہ کردیوے۔ سودا پنجھی سو ڈالراں وچ مُکیا۔ تے ماؤس ہوریں ایس کم نوں کرن لگ پئے۔ اوہ چھ مہینیاں وچ 72 واری ٹراٹ نال سُتّے پر پھیر وی گل نہ بڻی۔ جد ماؤس دی آپڻی بیوی رولا پاؤندی تے اوہ کہندا مینوں وی بڑی تکلیف ہے پر ایہہ پیسیاں لئی ہو رہیا ہے۔

جد چھ مہینیاں وچ وی کم نہ بڻیا تے ساؤ پولس نے ماؤس کولوں میڈیکل چیک اپ دی منگ کیتی۔ جد اوس دا ڈاکٹری معائنہ ہویا تاں پتہ لگا پئی اوہ وی ساؤ پولس دی طرحاں نیانے نہیں پیدا کر سکدا۔ پھیر اوہدے آپڻے نیاڻے کتھوں آئے؟ جد اوہنے بیوی نوں رگڑیا تے پتہ لگا اوہ وی ماؤس دے نیاڻے نہیں ہیڻ۔

ساؤ پولس نے عدالت وچ مقدمہ کردتّا جو ماؤس اوہدے پنجھی سو موڑے۔ ہُڻ دسو جج کرے تے کیہ کرے؟ تہاڈا کیہ خیال ہے پیسے موڑنے چاہیدے نیں یا نہیں؟


نوٹ: نال لگی تصویر اصلی مس ٹراٹ دی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels