Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> سیکس : کھاہد خوراک یا اللہ دی دِین؟ کام بخش جنونی

سیکس : کھاہد خوراک یا اللہ دی دِین؟ کام بخش جنونی

March 21st, 2011

تہانوں پتہ ہے جو کام بخش جنونی  نوں سیکس تے کاہڈ دا ہمیشہ توں شوق ہے۔ سیکس ہی بندے دے جمن دا سبب ہے تے ایسے تے عورت مرد ٹبر بناوندے ہین۔ پچھلے کجھ دناں وچ ایس  بارے کجھ سروے تے کاہڈ سامنے آئی سوچیا تہاڈے نال وی سانجھی کراں۔

 

اک سروے وچ تے ایہہ گل ثابت ہوئی جو اوہ لوک جیہڑے سیکس کردے رہندے نیں اوہ بہتے خوش رہندے نیں تے نہ کرن والے کھجے کھجے  ہوئے تے ہر اک نال رُسے ہوئے لگدے نیں۔ میرا خیال ہے ایہہ گل سب نوں سیانیاں نوں پتہ ہی ہے۔ میرا اک یار بندے یا زنانی دا چہرہ ویکھ کے دسدا ہوندا سی جو ایس نوں سیکس مل رہی ہے یا نہیں؟ میں اک دن پچھیا یار توں کیویں گویڑ لاونا ایں ایس گل دا۔ اوہدا کہنا سی جو بھرپور سیکس ملن والیاں لوکاں دے چہرے نرم تے ملائم ہوندے نیں  تے نہ کرن والیاں دے کھرورے جیہے ہوندے نیں۔میں ایہہ تے تہانوں نہیں دسنا جو میں ایس گل نوں کنج ٹیست کیتا پر میں کجھ لوکاں دا ایس پکھ توں مطالعہ کیتا تے مینوں پتہ لگا جو میرے دوست دی گل کافی حد تائیں سچ سی۔ تہاڈا وی ایس طرحاں دا مطالعہ ہووے تے وچار والیاں راہیں مینوں گھلنا۔

اک ہور سروے آیا ہے جیس وچ کہیا گیا ہے چنگی کھاہد خوراک نال وی سیکس چنگی رہندی ہے۔ سروے والیاں دا چنگی کھاہد خوراک توں مطلب گھیو دے پراٹھے تے مکھ ددھ نہیں سی۔ سگوں اوہناں دا کہنا سی جو اوہ خوراک جیہڑی تہاٖڈے جُسّے نوں فٹ رکھے۔ مینوں سمجھ آئی بئی ساڈے بہتے بندے زنانیاں دے تے چالہیاں سالاں وچ ڈھڈ نک آوندے نیں تے اوہ کہنا شروع کردیندے نیں جو ہن تے بڈھے ہو گئے۔ ایس توں میں گویڑ لایا ہے جو بھیڑی یا بہتی خوراک کھا کے تے ویہلیاں بہہ بہہ کے بندے دا وجود ڈھلا پے جاندا تے اوس دی سیکس وی مر جاندی ہے جیس کرکے بہتے موٹے ڈھڈاں والے بڈھے وی چھیتی ہوندے لگدے نیں تے اوہ شاید سیکس وی نہین کر سکدے۔

پر میں  ہندوستان دے اک اخبار وچ اک خبر پڑھ کے بہت ہی حیران ہویا ساں۔ اوس وچ اوہناں اک  بانوے سال دا بڈھا وکھایا سی جیہڑا اپنی جوان زنانی نال ہر رات ہم بستری کردا ہے تے اوس نے سال پہلاں اک منڈا وی جمیا ہے۔ اخبار والیاں نے اوس دی زنانی نوں وی پچھیا جو کیہہ بابا سچ بولدا ہے۔ اوسدی زنانی نے وی کہیا جو  بابا نہ صرف ہر رات ایہہ کر سکدا ہے سگوں اوہ پوری پوری رات کر سکدا ہے۔ یقین تے نہیں آوندا پر خبر بہت وڈھے اخبار وچ میاں بیوی تے اوہناں دے پتر  دے فوٹواں  نال چھپی سی ایس لئی شک وی نہیں کرسکدے۔

ایہہ وی کہیا گیا سی جو بابا اجے وی سارا دن محنت مزدوری کردا ہے۔ ایہو کہیا جا سکدا ہے جو بابا ٹھیک کھاہد خوراک کھاندا ہووے گا  تے محنت کرن نال اوس دا جصہ نرویا رہندا ہے۔ یا پھیر ایہہ کہنا پوے گا  جو ایہہ رب دی دین ہے  جیس نوں دے دیوے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels