Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> بٹیرا جیہڑا پُھر ہو گیا بونگا چشتی

بٹیرا جیہڑا پُھر ہو گیا بونگا چشتی

March 18th, 2011
4 / 5 (1 Votes)

اج شیدے دا فون آیا تے کہن لگا "یار اوہ توں کمپیوٹر تے جنگ اخبار دیاں سرخیاں پڑھ کے سناونا ہنا ں نا، اج پڑھ کے میرے ول آویں۔

میں پچھیا کیوں؟

کہن لگا  کر لے نا  جو کہنا  میں کیہڑا تیرے کولوں ریمنڈ ٰڈیوس منگ لیا ہے  جو توں اینا اوکھا ایں ۔۔۔ہاہاہا ۔۔اوس فون بند کردتا۔

میں  جنگ دیاں ہیڈ لائناں پڑھ  کے اوسدی دوکان تے پہنچیا تے اوہ اک خشخشی داڑھی والے بندے دے وال کٹ رہیا سی ۔ اوہ بندہ کہہ رہیا سی "ایس حکومت  تے فہیم فیضاں دیاں ٹبراں نے تے  ساڈا نک وڈھوا دتا۔ اوئے ایہہ سانوں کہندے پیسے دین لئی اسیں چالیہہ کروڑ اکٹھا کر دیندے۔۔" شیدا اوہدیاں سندا رہیا تے جدوں  کم مک گیا تے اوہ بندہ شیدے نوں کہندا "ویکھ بئی اج کل مہنگائی بہت ہے ۔ پورا ہی نہیں پیندا توں اپنا ریٹ  کجھ گھٹ کر۔ ہن تے وال کٹوانے وی سُنڈ خرین وانگ ہو گئے  نیں"

شیدا  زور زور نال ہسن لگ پیا ۔پھیر ہسدیاں ہسدیاں کہندا "سر میں تے ریٹ گھٹا دیاں گا تہاڈے لئی پر اوہ تسیں چالیہہ کروڑ  کتھوں لیاونے نیں " اوہ بندہ کچا جیہا پے گیا تے چھیتی چھیتی  پیسے شیدے نوں پھڑا کے کھسک گیا۔

لے میں پڑھ آیاں ، دس ایہ کیس نسخے وچ پینیاں نیں۔

"ٹھہر  اوہ نسخہ  میں بعد وچ بناواں گاپہلے ایہہ دس اوہ جیہڑے دومنڈیاں پولیس تے مجمعے دے سامنے مار دتا گیا سی اوس دا کیہہ بنیا؟"

کیوں؟ مینوں تے کوئی پتہ نہیں۔

کوئی اہناں مولویاں کولوں پچھے بئی ریمنڈ ڈیوس تے نس گیا، حکومت نے دغا کیتا یا فہیم فیضاں دے ٹبراں لالچ کیتا  پر اوہناں دو منڈیاں دے قاتل تے ایتھے ہی نیں۔ اوہناں دے خلاف جلوس کیوں نہیں کڈھدے۔ اوہناں منڈیاں دے ٹبر لئی کجھ لکھ جمع کیوں نہیں کردے؟ کیہہ پاکستانی اپنے بھراواں تے ظلم کرن تے اوہ ظلم نہیں ہوندا۔ پر بونگیا ایہہ مولوی کر نہیں سکدے کیوں جے ایہہ کرن تے پھیر اوہ کدی گھر نہ جان، روٹی کھاندا  وی ٹائم نہ لبھے اہناں نوں ایہہ بس جلوس ہی کڈھیا کرن۔ کیوں جو ایس ملک وچ ہر ویلے کتے نہ کتے ناجائز قتل ہو رہیا ہوندا اے"

کیوں؟ میں پچھیا؟

شیدا کہندا لے ہن تینوں نسخہ بناکے وکھاواں۔ ضو سرخیاں توں پڑھیاں  اوہناں دے مطابق کنے بندے اج مرے نیں میں سوچیا پر کجھ پوری طرحاں یاد نہیں آیا۔ایس لئی میں کہیا یار اج کراچی وچ کوئی تریہہ بندے مرے نیں، کجھ ٹریفک وچ ۔۔۔ ایہہ مینوں تفصیل یاد نہیں رہی۔

نہیں توں چھڈ۔ اوہ دو منڈیاں سوچ۔۔سوچ ایس ملک وچ روز کنے تگڑے بندے لوکاں نوں کار ہیٹھاں مدھ کے لنگھ جاندے نیں۔ کوئی اوہناں دی پچھدا؟ کوئی مولوی اوہناں لئی جلوس کڈھدا؟

میں کہیا نہیں ۔ تے توں دس پھیر ایہہ مولوی ریمنڈ دے چھٹن تے جلوس کیوں کڈھ رہے نیں ؟

شیدا مسکرایا " انھے دے پیر ہیٹھ بٹیرا آگیا سی اوہ کسے طرحاں نکل گیا۔۔ ریمنڈ مولویاں لئی سیاسی بٹیرا سی جیس نوں روز روسٹ کر کے کھان تے لوکاں نوں جمع کردے سن۔ اوہ کسے طرحاں پُھر ہو گیاہن ایہہ اوہدے ٓد جان دا ماتمی جلوس کڈھن گے۔

میں پچھیا یار ایہہ پیر ہیٹھ بٹیرا آون والی گل تے میں کئی واری سنی ہے ایہہ ہے کیہہ؟

اوہ اک انھے دے پیر ہیٹھ بٹیرا آگیا، اوس پھڑ لیا تے بیوی کولوں پکوا کے مزے لے لے کے کھاہدا۔ اگلے دن شام نوں بیوی نے انھے دے سامنے دال دی کولی رکھ دتی۔ انھا غصے نال بولیا "اوئے تینوں نہیں پتہ میں بٹیریاں نال روٹی کھاناں؟

ہن آئی سمجھ وچ کیویں ریمنڈ مولویاں دے پیر ہیٹھ آیا بٹیرا سی؟

 

پڑھ اج کنے بندے مارے گئے نیں ۔ سرخیاں پڑھ!

 


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels