Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> امریکہ بولے تے کیویں بولے؟

امریکہ بولے تے کیویں بولے؟

امریک سرحدی
March 16th, 2011

سرحدی تے کدوں دا آس لاہ کے نومین لینڈ وچ بیٹھ گیا سی پر ایہہ سعودی فوجاں دے بحرین  وچ داخلے دا منظر ویکھ کے رہیا نہیں گیا۔ سو سوچیا  چر نال ہی سہی  وچار وچ اپنی حاضری تے لوا دئیے!

 

مینوں یاد اے جدوں رشین فوجاں افغانستان وچ وارد ہوئیاں سن تے دنیا وچ برٓ شور مچ گیا سی۔ پر پاسے توں روسیاں نوں شیطانی طاقت دا خطاب مل رہیا سی۔ ساڈے ملاں لوک، سنے مولانا ضیاء دے تپ چڑھے نسدے ٹپدے جہاد کرن دی تیار کر رہے سن۔ اج جدوں سعودی  تے متحدہ امارات  دیاں فوجاں بحرین وچ لوکاں نوں مارن لئی وڑیا ں ہین تے  سارے چُپ کیوں نیں؟ کیوں امریکی ایس نوں خارجی حملہ نہیں کہ رہے؟ اقوام متحدہ کتھے ہے؟ کیہہ بحرین  دے بادشاہ نوں حق ہے جو اوہ اک بندہ ہوندیاں ہزاراں لوکاں نوں مارن لئی دوسرے بادشاہاں دیاں فوجاں منگوا لوے؟ کیہہ بحرینی عوام افغاناں نالوں گھٹ درجے دی مخلوق ہے؟

 

روسیاں کول تے افغانستان وچ وڑن دی  وجہ وی سی کیوں جو امریکہ پاکستان دی مدد نال مجاہدین پال کے افغان حکومت پُٹن دی کوشش کر رہیا سی۔ امریکی تے آپ کوشش کر رہے سن جو کسے طرحاں روس افغانستان وچ فوجاں اتار دیوے تے امریکہ اوس کولوں ویت نام دا بدلہ لے لوے۔ تے جیس دن روسی فوجاں افغانستان وچ وڑیاں سن اوس دن امریکہ دے وزیر خارجہ برزنسکی نے خوشی نال کرسی توںچھال مار کے کہیا  سی ہن روسی آئے ساڈی کڑکی وچ۔ روس کولوں بندلہ لیندیاں لیندیاں لکھاں معصوم  افغان مارے گئے یا  بے گھر  ہو گئے۔ اجے تیکر وچارے افغان اوہناں گناہاں دا بھگت رہے ہین جیہڑے اوہناں کیتے ہی نہیں سن۔ پر روسیاں کولوں بدلہ لین والے وی ہن اپنی کیتی دا مزہ لے رہے ہین۔

 

اک ہور گل سمجھ نہیں سی آوندی جو عرب ریاستاں اسلحہ کیس لئی خرید کردیاں ہین؟ ایہہ تے پتہ سی جو ایہہ اسلحہ اسرائیل دے خلاف ورتن لئی نہیں لیا جا رہیا۔ کدی کدی خیال آوندا سی جو سعودی عرب تے خلیجی ریاستاں ایہہ اسلحہ امریکہ  دی ڈیفنس انڈسٹری تے پینٹاگان نوں خوش کرن لئی خریددا ہے۔ ایہہ سچ وی ہے پرپچھلے کجھ دناں توں جیویں لیبیا دا معمر قذافی اپنے ہی لوکاں تے ٹینکاں تے ایف اٹھاراں نال بمباری کر رہیا ہے اوس توں سمجھ آگئی بئی ایہہ اسلحہ کسے باہرلے دشمن لئی نہیں اپنے ہی لوکاں نوں قابو کرن لئی خریدیا گیا سی۔ ہن جیویں سعودی عرب دے ٹینکاں  دے لمے قافلے بحرین وچ وڑ رہے ہین اوس توں پتہ لگدا ہے جو اسلحہ کیس کم لئی خریدیا گیا سی۔ ظاہر گل ہے امریکہ کیوں بولے اوس نے ہور اسلحہ نہیں ویچنا؟ جے ہن اوہ کہہ دیوے جو تسیں لوکاں تے اسلحہ نہیں ورت سکدے تے اگلے کل نوں کہن گے جی پھیر اسیں اسلحہ کیوں خریدئیے؟

 

خیر ہن تے چائیں چائیں سعودی عرب بحرین  دے لوکاں دی تباہی لئی فوج عمان گھل ہی بیٹھا ہے۔ تے کیہہ اوس دا اوہ حشر نہیں ہووے گا جو روس دا ہویا؟  یا اوس نوں انج بھگنا نہیں پوے گا جیویں افغانستان وچ جہادی مداخلت کرکے پاکستان بھگت رہیا ہے ؟ کیہہ امریکہ اپنے چمچے سعودی عرب کولوں بحرینی عرباں نوں مروا کے سکا ہی بچ جاوے گا؟ تاریخ تے کجھ ہور کہندی ہے،۔ افغانستان دی کھیڈ وچ مداخلت کرن والا روس تے ٹٹا ہی ٹٹا، پاکستان وی اپنی بربادی دا آپ نظارہ کر رہیا ہے، تے امریکہ وی روز کئی لاشاں افغانستان وچ مرن والے فوجیاں دیاں وصول کر رہیا ہے


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels