Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> دنیا دا سب توں نکا 3 ورھیاں دا شرابی

دنیا دا سب توں نکا 3 ورھیاں دا شرابی

وچار ڈیسک
March 15th, 2011

برطانیہ دے اک ہسپتال وچ شراب دی لت وچ پئے اک 3 ورھیاں دے بال دا علاج کیتا گیا ہے انج ایہہ بال دنیا دا سب توں گھٹ عمر دا شرابی بڻ گیا ہے۔

برطانیہ دے طبی پربندھیاں موجب نیشنل ہیلتھ سروس ولوں سال 2008 توں 2010 وچ ملک دے مڈھلے حصیاں نال سانگا رکھڻ والے 13 بالاں وچ شراب دی لت وچ پئے ہوڻ دی تشخیص کیتی گئی۔ ایہناں بالاں دی عمر 12 ورھیاں توں گھٹ سی۔ ایہہ 3 سالاں دا بال وی اوہناں 13 بالاں وچوں اک سی۔

پر طبی پربندھیاں ولوں ایس 3 سالاں دے شرابی دی اجوکی صورتحال بارے کسے قسم دیاں تفصیلاں دیڻ توں نانہہ کر دتی گئی۔ ایس توں اڈ ایس بال دی پچھاڻ بارے وی کوئی تفصیل جاری نہیں کیتی گئی جیہدا کارن مریضاں دی پچھاڻ گجھی رکھڻ بارے ملکی قانون نیں۔

NHS دے اک بلار دا کہڻا ہے ' اسیں شراب دی لت دا علاج بڑے دھیان نال کرنے آں تے ایس مقصد لئی ساڈے کول اُچیچی ٹیم موجود ہے جیہدے وچ ماہر شراب تے اوہدے بارے مسئلیاں نوں نبیڑن لئی جوان مریضاں دی مدد لئی ہر ویلے موجود ہوندے نیں''۔

برطانیہ دی نیشنل ہیلتھ سروس ولوں ایہہ خبر جاڻکاری تیکر پہنچ دی آزادی دے قانون ہیٹھ دتی جاڻ والی اک عرضی دے مگروں جاری کیتی گئی۔ ایس خبر توں ایہہ گل کھل گئی جو برطانیہ وچ شراب پیڻ دے کلچر تے قابو پاؤڻ لئی کنیاں کوششاں دی لوڑ ہے۔

ایہہ خبر اک انج دے دن ساہمڻے آئی جدوں حکومت ولوں شراب ویچڻ والیاں کمپنیاں نوں ایہہ اپیل کیتی گئی سی جو اوہ بہت شراب پیڻ تے کم عمری وچ شراب نوشی نوں گھٹ کرن دی کوشش دے عہد دی حمایت کرن۔ حکومت ولوں ایس اپیل دے خلاف ملک دے صحت بارے وڈے جتھیاں ولوں نکھیدی کیتی گئی ہے۔

ایہناں جتھیاں نے، جیہناں وچ برٹش میڈیکل ایسوسی ایشن تے چیریٹی الکوحل کنسرن وی رلتی نیں۔ وزارت صحت تے الزام لایا ہے جو اوہ شراب ویچڻ والی کمپنیاں نوں پالیسی تے اثر پاؤڻ دا موقع دے رہی ہے۔ ایہناں جتھیاں ولوں شراب نوشی وچ تھوڑ دے وعدیاں بارے اپیل تے وی ایہہ آکھ کے نکھیدی کیتی گئی ہے پئی نہ تے اوہناں دی نوعیت مخصوص کیتی گئی ہے تے نہ ہی مگروں مقدار نوں پرکھیا جا سکدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels