Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> مسکینیاں شسکینیاں : پوپٹ تے شُرلیاں

مسکینیاں شسکینیاں : پوپٹ تے شُرلیاں

سودا مسکین
March 11th, 2011
5 / 5 (4 Votes)

ہک دیہاڑے سوتے دی نماز پچھوں حُجرے وچ حلوہ چُگدیاں بانگیئے بگّو، مولی مُنقے نوں آ کھیا، " مولوی جی! ہک گل دساں؟"
"دس بانگیے! " ، کیہ گل اے؟
بانگیے، مولوی منقے دے کن کول دی ہو کے آکھیا جو ایہہ چودھری چماٹا بڑے پیسے والا جے تے ایس اج تائیں مسیت دی سیوا لئی ہک رتا پیسہ تک نہیں دِتّا ۔ ایہدی تاں ذرا پوٹلی ڈھِلی کراؤ۔"
" ہلا ، ایہدے نال گل کراں گے۔" مولوی ہوراں حلوے دے پچکار ڈک کے آکھیا۔
آؤن والے جمعے دی نماز پچھوں مولوی ہوراں چودھری چماٹے نوں آ کھیا، جو توں حجرے وچ آ کے میری گل سُڻ۔
مولوی ہوراں حجرے وچ بہا کے چودھری چماٹے نوں آکھیا جو سانوں ساڈیاں غیبی طوطیاں دسیا اے جو تساں مسیت دے فنڈ وچ کدیں ہک دوانی وی نہیں دتی۔
" تُساں بالکل ٹھیک سُڻیا اے مولوی جی، پر تہاڈے طوطیاں تہانوں ایہہ نہیں دسیا جو میرا ہک چاچا اے جیہڑا بالکل لولہا اے تے ٹُر نہیں سکدا۔ تے میری بھیڻ رنڈی اے جیہدے داہ بلونگڑے نیں۔ تے بھڻویا ساڈا نہ کوئی انشورنس کرائی ہوئی سی تے نہ اوہدا کوئی ہور دال پھلکے دا آسرا اے۔ تے جے میں اوہناں نوں کُجھ نہیں دیندا تاں تہانوں کیوں دیواں؟"۔
۔۔۔۔
ہک دیہاڑے چاچا چاگھ اپڻیاں نکیاں نکیاں پوتریاں دوہتریاں نوں چڑیا گھر وکھاؤڻ لے گیا۔ بال چاچے چاگھ دے ہتھ دیاں ساریاں انگلیاں نال لمکے اوہنوں لئی لئی تے کھچی دھروہی پھردے سڻ تے بڑی چس آ رہی سی۔
بالاں دی کھپ وچ چاچا چاگھ بونتریا ہویا سی تے اوہنوں پتہ ہی نہیں سی لگ رہیا جو اوہ کتھے اے تے کیہ کری جاندا اے۔ اچڻ چیتی کاکے پٹاکے اوس نوں ہک پنجرے کول کھلاریا تے آکھیا، " دادو! ویکھ ہسدا ہویا تاکھر"۔
چاچے چاگھ تاکھر ول تکیا تے کجھ سمجھ نہ آئیوس تے آکھڻ لگا، "مینوں تیری گل تے یقین نہیں آیا کاکے!" ۔ تے چاچا چڑیا گھر دے ہک سیوک کول گیا تے پچھیا " ایہہ کیہڑا پشو اے جمعدارا!"
جمعدار آ کھیا جو ایہہ ہسڻ والا تاکھر اے۔
" ایہدے وچ کیہڑا اُچیچا گُڻ اے؟ "چاچے چاگھ پچھیا
' ایہہ دیہاڑی وچ چھُڑا ہک واری کھاندا اے" ، سیوک دسیا
" ہلا " ، چاچے اکھیا ، " ایہہ تاں میرے نال دا ہویا
" تے ایہہ ہفتے وچ ہک واری نہاؤندا اے"۔ سیوک دسیا
" ہلا، باکل میرے ہار"۔
" تے ایہہ سال وچ ہک واری مادی دے نیڑے لگدا اے " ، سیوک بولیا
' تے فیر ایہہ ایسے لئی پیا ہسدا اے" ، چاچے سر نو جھونا دے کے آکھیا۔
۔۔۔۔
ویٹیکن دے پوپ آپڻے ترے تبلیغیئے تبلیغ لئی افریقہ دے آدم خور قبیلے وچ گھلے۔ اوہ ترے مہینے تائیں واپس نہ مُڑے۔
ترے میہنیاں مگروں پوپ نوں قبیلے دے سردار گونگو بونگو دی چٹھی ملی، لکھیا سی" پادری باوا! میں تہاڈا شکریہ ادا کرنا جو تساں جیہڑے ترے کیتھولک پادری گھلے سڻ، میرے قبیلے نوں بڑے پسند آئے نیں ۔ اوہ تریوے بڑے نرم، لوے تے سوادی سڻ۔"


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels