Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> روندی یاراں نوں لے لے ناں بھراواں دا

روندی یاراں نوں لے لے ناں بھراواں دا

March 11th, 2011
5 / 5 (1 Votes)

اج شیدا میسنا ملیا تے کہن لگا "یار، ملّے  میرے استاد بن گئے نیں۔ اہناں راہیں مینوں تیرے پٹھے سدھے شعر تےسنے سنائے محاورے سمجھ آون لگ پئے نیں"

میں کہیا شیدیا اج تیری سمجھ دانی وچ کیس ملاں نے وادھا کیتا؟"

"ملاں منور حسن یا حسین نے" شیدا بڑا پکا منہ بنا کے کہن لگا۔

میں کہیا اوہ کیویں ؟

کہن لگا اج مل جمات دے ملاںمنور نے  کہیا  ہے جو حکومت تے اوس امریکی نوں پھڑ نہیں سکدی جیہڑا اک منڈے نوں گڈی تھلے مدھ کے نس گیا سی تے ہن فوج ہی اوس نوں پھڑاوے۔

میں کہیا شیدیا مولانا منور ہوراں گل تے حق دی کیتی ہے ۔ بئی جے کوئی بندہ وی کسے نوں مار کے نس جاوے تے اوہ پھڑیا جانا چاہیدا ہے بھاویں اوہ امریکی ہووے تے بھاویں جاپانی۔

شیدے نے زور زور نال سِر ماریا تے کہن لگا  اوئے بونگا تو رہیں گا بونگے دا بونگا ہی۔ ایہہ گل حقی ہے جو ہر قاتل پحریا جانا چاہیدا ہے بھاویں اوہ انگریز ہووے تے بھاویں اوہدا پیو  امریکی۔ پر کیہہ صرف چٹے چم والے قاتل ہی پھڑے جانے چاہیدے نیں، جے بندہ دیسی ہووے تے اوس نے داڑھا رکھیا ہووے تے پھیر اوس نوں سب خون معاف؟

میں کہیا  توں کہنا کیہہ چاہنا؟

اوئے بونگیا توں سوچ ملاں منور ایہہ بیان کیوں نہیں دتا جو شہباز بھٹی دے قاتلاں نوں پھڑ نہیں سکی تے فوج اوسدا کجھ کرے؟ کل ہی فیصل آباد وچ ملیاں نے ۳۶ بے دوس بندے مار دتے نیں، ملاں منور نوں اوہ انسان نہیں لگدے؟ جے لگدے ہوون تے پھیر اوس فوج کولوں ایہہ منگ کیوں نہ کیتی جو کل دا دھاڑا مارن والیاں  نوں پھڑ کے ٹنگیا جاوے ، پر ایہہ ملا کہوے کیویں کیوں جو اوہ تے اہناں دے ہی مرید نے تے اہناں دی ہی طاقت ودھا رہے نیں۔ مینوں تے کل ہی پتہ سی جو کسے ملے دا بیان آون والا ہے؟

ہاں توں نجومی وی ہو گیا ایں شیدیا، میں چھیڑن لئی کہیا۔

اوئے بونگیا ایہہ نجوم نہیں سدھی سدھی مت دی گل ہے۔ مینوں پتہ سی داڑھیاں والیاں ملیاں چھتّی بندے مار دتے نیں تے کل استاد ملانیاں لوکاں دا دھیان اپنے آپ توں ہٹاون لئی امریکیاں دے خلاف جھنڈا اچا کر دینا اے۔ یاد رکھ جیس دن وی ملّے بے دوسے لوکاں نوں مارن گے اگلے دن مولوی فجا یا ملاں منور امریکیاں دے خلاف  بیاں ضرور داغن گے۔ اوئے  ایہہ امریکیاں ول دھیان کروا کے اپنے جہادیاں دے پردے پاوندے نیں۔ جیویں اسیں کہنے آٓں نا روندی یاراں نوں لے لے ناں بھراواں دا۔

ایسے لئی تے بابا وارث اہناں نوں کہہ گیا سی!

شرع چا سرپوش بنایا جے، روادار وڈھے گنہگار دے او!

           

  پھیر شیدا کہندا اوئے تیرا رنگ وی چٹا اے تے توں کوٹ پتلون وی پونا ایں تینوں کسے ملے نے امریکی سمجھ کے پھڑکا جانا ایں تے یاں تیرے تے کسے قتل دا ملبہ پا دینا اے۔ ایس لئی میری من ، داڑھی رکھ لے، لما چگا پا لے تے گھروں نکلن لگیاں منہ تے تھوڑی سواہ مل لیا کر۔ پھیر سارا دن شہر وچ جیہڑا بندہ وی توں تڑا کرے اوس نوں قتل کردے۔ تینوں کوئی نہیں پچھے گا۔ تینوں بچاون لئی مولوی فجا یا ملاں منور امریکہ دے خلاف کوئی بیان گھڑ ہی لین گے!


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels