Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> عطار دا لونڈا

عطار دا لونڈا

March 8th, 2011
5 / 5 (2 Votes)

اج شیدا اچیچا دکان بند کرکے میرے ول آیا تے آؤندیاں ہی وگاہٹنی مار دتی۔ یار اوہ اردو کیہڑا شعر ہے جیہڑے توں بڑی واری پڑھنا ہُنا ایں پر میری سمجھ وچ کدی نہیں آیا۔

میں کہیا شیدیا تیری سمجھ وچ تے کئی شعر نہیں آؤندے ہڻ مینوں کیہ پتہ توں کیہڑے شعر دی گل کر رہیا ایں۔
کہڻ لگا اوہ یار جیہدے وچ کسے عطر ویچڻ والے منڈے دی گل ہوندی اے۔
میں کہیا اچھا اوہ میر دا شعر

میر کیا سادہ ہیں بیمار ہوئے جس کے سبب
اسی عطار کے لونڈے سے دوا مانگتے ہیں

شیدا کہندا یار ایہہ مینوں تیرا میر ویر تے سمجھ نہیں آؤندا پر مولانا فضل الرحمان دا بیان سڻ کے ایہہ شعر سمجھ وچ آگیا۔
کیہ بیان فرمایا مولانا نے؟ میں پچھیا۔

کہندے نیں اسلامی نظام نافذ کر دیو سب مسئلے حل ہو جاوڻ گے۔ مینوں سمجھ نہیں آؤندی مولانا نوں ایہو جیہے بیان دیندیاں سنگ وی نہیں آؤندی۔ میں تے ایہہ ویکھیا جو مولویاں دے اسلامی نظام دا رولا ستر پچھتر توں مگروں پیڻا شروع ہویا تے اودوں دا ہی ساڈا بھٹھا وی بہڻا شروع ہویا۔ ایہہ مولوی جنے ودھ اسلامی قانون بڻاوندے نیں بے ایمانی اونی ہی ودھ جاندی ہے۔ چکلہ بند کرواؤندے نیں گلی گلی چکلہ کھل جاندا ہے۔ شراب ویچڻ تے روک لواؤندے نیں تھاں تھاں شراب وکڻا شروع ہو جاندی اے۔ ایہو مطلب ہے نا تیرے میر دے شعر دا؟ شیدا ہس کے پچھڻ لگا؟
میں کہیا بڑا پہنچیاں میسڻیا اج توں شعر نوں۔ انج گل تیری سچ ہےطالبان نے جو کجھ ہی سالاں وچ افغانستان دا حال کیتا سی جے ایہو اہناں مولویاں کرنا ہے تے پھیر اللہ بچاوے سانوں۔ بہتے طالبان مولوی فجے دے مدرسیاں دے ہی پڑھے ہوئے نیں۔

شیدا اٹھ کے کہڻ لگا۔ یار بونگیا اج تے تیری سمجھ وچ کوئی کم دی گل آ گئی آ۔ چل ایسے خوشی وچ تینوں فلم وکھا دینا!


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels