Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> شیر ڈوئی تے کھسم

شیر ڈوئی تے کھسم

وچار ڈیسک
February 15th, 2011
5 / 5 (1 Votes)

تیویں ہتھوں کھسم دی پھینٹی دے قصے تے بڑے سڻن وچ آؤندے نیں پر ملائشیا وچ اک تیویں نے آپڻے کھسم نوں بچاؤڻ لئی اوہدے تے دھاڑا مارن والے شیر نوں ایہو جہی پھینٹی لائی پئی اوہ نسڻ تے مجبور ہو گیا۔

60 سالاں دے تمبون گیدو آ ملائشیا دے اُتری جنگلانی علاقے 'پاریک ' دے اک پنڈ دا وسنیک ہے۔ اوہ پچھلے ویک اینڈ تے سویرے گالہڑ شکار کرن لئی گھر دے کول جھاڑیاں وچ لکیا ہویا سی۔ اوہنوں اک گالہڑ نظر آیا پر ایسے ویلے پچھوں جھاڑیاں وچ ہوڻ والے کھڑکے نے اوہنوں گھمڻ تے مجبور کر دتا، تمبون جیویں ہی گھمیا تے ویکھیا پئی اوہدے پچھے اک شیر کھلوتا ہے۔ ایہہ منظر ویکھ کے اوہدی خانیوں گئی۔ اوہ کہندا ' سب توں پہلا خیال جیہڑا میرے ذہن وچ آیا اوہ ایہہ پئی میں رکھ تے چڑھ جاواں پر شیر اینا نیڑے آگیا سی پئی میرے کول ایہدا موقع ہی نہیں سی تے اوہنے آپڻے پنجے چلاؤڻے شروع وی کر دتے سی''۔

تمبو حالی ایسے بھنبھل بھوسے وچ سی پئی کیہ کراں تے شیر نے اوہدے تے دھاڑا مار دتا۔ اوہ شیر دا منہ دور رکھڻ لئی پوری جان لا رہیا سی تے نال نال مدد لئی وی چیکاں مار رہیا سی۔ گھر نیڑے ہوڻ پاروں اوہدی تیویں 55 سالاں دی تیویں ہن بیساؤ نے آپڻے کھسم دی آواز سڻ لئی۔ اوہ ہتھ وچ لکڑ دی ڈوئی لے کے مدد لئی دوڑی۔ جیویں ہی اوہ اوتھے اپڑے تے ویکھیا پئی اوہدا کھسم زمین تے ڈگیا ہویا ہے اوہنے اگا ویکھیا نہ پچھا شیر دے سر تے ڈوئی مار دتی۔ ایہہ تے نہیں پتہ جو ڈوئی سر دے کیہڑے حصے وچ وجی پر سٹ اینی لگی جو شیر نسڻ تے مجبور ہو گیا۔

جنگلی علاقہ ہوڻ پاروں تمبون نوں ہسپتال کھڑن وچ دس گھنٹے لگے۔ پر اوہدے منہ پیر تے دھوڻ تے لگڻ والیاں رگڑاں دا علاج کیتا جا رہیا ہے۔ ڈاکٹراں موجب پھٹ اینے ڈوہنگے نہیں جو آپریشن کیتا جاوے یاں ٹانکے لائے جاڻ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels