Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> بیلجیئم: پارلیمنٹ ممبر دی جنسی ہڑتال

بیلجیئم: پارلیمنٹ ممبر دی جنسی ہڑتال

وچار ڈیسک
February 11th, 2011

یورپی ملک بیلجیئم وچ پارلیمنٹ دی اک زنانی رکن نے ملک وچ حکومت بڻن دے کم وچ کویل دے خلاف اک نویکلی ہڑتال دی صلاح دتی ہے۔

پارلیمنٹ دی رکن سینیٹر میرلین ٹیمرمین نے حکومت بناؤڻ لئی مذاکرات وچ رلتی دھراں نوں کہیا ہے جو اوہ اوس ویلے تیکر آپڻے ازدواجی تعلقات توڑ دیڻ جدوں تیکر اوہ کسے معاہدے تیکر نہیں اپڑ جاندے۔

اوہناں کہیا جے سیاستداناں دے سنگی اوہناں دی صلاح تے عمل کرن تے اتحادی حکومت بناؤڻ دا غیر ضروری لمے صلاح مشوریاں دا کم بہت چھیتی پورا ہو سکدا ہے۔

میرلین تیمرمین دا کہڻا سی سال 2009 وچ افریقی ملک کینیا وچ انج دے ہی جنسی سانگے تے روک دے اک ہفتے وچ حکومت بڻ گئی سی۔

کینیا وچ زنانیاں نے اک پراڻے یونانی ڈرامے توں متاثر ہو کے سیاستداناں نوں صلح صفائی تے مجبور کرن لئی ہم بستری تے روک دا اعلان کیتا سی۔

میرلین ٹیمرمین نے کہیا ' حالی تیکر سیاستداناں یاں اوہناں دے اتحادیاں ولوں کوئی سدھا ساہواں جواب نہیں آیا پر اوہناں دے دفتر دے 80 فیصد لوکاں نے اوہدے تے چنگا ردعمل ظاہر کیتا ہے۔

10 توں 20 فیصد جیہناں دی مزاح دی حس نہیں ہے اوہ ایس صلاح تے بہت حیران نیں، ایہہ حقی بے عزتی والی گل ہے تے اک سنجیدہ زنانی ولوں انج دی بے ہودہ صلاح کیویں آ سکدی ہے؟ ایہہ بہت وڈا مخول ہے جو لوک ایہنوں سنجیدہ لے رہے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels