Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> ملاوی، پد مارڻ دے قانون تے بحث

ملاوی، پد مارڻ دے قانون تے بحث

وچار ڈیسک
February 6th, 2011

ملاوی وچ عدالت دے دو سینئر پربندھی ایس گل تے بحث کر رہے نیں پئی حکومت نے ہوا نوں خراب کرن دا جیہڑا بل پیش کیتا اوہدے ہیٹھ لوکائی تھاواں تے پد مارڻ تے روک لگدی ہے یاں نہیں۔

ملک وچ نیاں دے وزیر جیورج چوپندا دا کہڻا ہے جو ایس نویں بل نال لوکائی تھاواں تے پد مارنا آلودگی پیدا کرن ورگا جرم ہووے گا تے ایہدے نال لوکاں وچ شائستگی ودھے گی۔

اوہناں اک مقامی ریڈیو نوں دسیا ' جدوں تہانوں پد مارنا ہووے تے اودوں تسیں ٹٹی خانے جاؤ۔'

پر سولیسٹر جنرل اینتھونی کمانگا نے اوہناں دی مخالفت کیتی ہے۔ اوہناں دا کہڻا سی جو ہوا نوں خراب کرن دا مطلب آلودگی کھلارنا ہے۔' میری ایہہ سمجھ توں باہر ہے جو کوئی وی عقلمند یاں حساس بندہ پبلک وچ پد مارڻ نوں مجرمانہ کم کیویں آکھ سکدا ہے۔

اوہناں دا ایہہ وی کہڻا سی جو ایہدے بارے قانون وچ ممنوعہ شکاں 1930 توں ہی موجود نیں۔

ملک دا ' لوکل کورٹ بل ' کجھ انج ہے '' کوئی وی بندہ جیہڑا کسے وی رہڻ سہڻ دی تھاں یاں فیر گوانڈھ وچ یاں عام راہ توں چلدیاں ہوئیاں فضا نوں خراب کرے گا جیہدے نال لوکاں دی صحت نوں نقصان ہوندا ہووے تے اوہ غلط کم کرن دا قصور وار منیا جاوے گا۔"

مسٹر چیپنڈا جیہڑے اک وکیل نیں دا کہنا ہے جو ایس قانون دی جیہڑا وی مخالفت کرے گا اوہدے نال مقامی چیفس نبڑن گے۔ جدوں اوہناں نوں ایہہ سوال پچھیا گیا کیہ کوئی ایہدے تے زبردستی وی کرسکدا ہے تے اوہناں کہیا ایہہ انج ہی ہے جیویں عوامی تھاواں تے پیشاب کرن توں روکڻ دا قانون ہووے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels