Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> کھٹیاں مٹھیاں >> مسکینیاں شسکینیاں

مسکینیاں شسکینیاں

سودا مسکین
February 4th, 2011
5 / 5 (8 Votes)

داڑھی ودھائی جاندا، جھاڑی اُگائی جاندا
حجرے نوں ڈھاہی جاندا ، بنگلہ پوائی جاندا

کھوتے توں ڈِگ پیا سی ، ڈالر توں کھا کے ٹھُڈا
ہُڻ ویکھ ، کیڈی سوہڻی گڈی چلائی جاندا

اگے کھلوکے آپوں، حوراں نوں تاڑدا اے
پچھے کھلوتیاں نوں جھنڈی کرائی جاندا

بھن دا اے رب دے ناں تے وحدت دا رات، جندرا
اُمت دے کر کے ڈکرے، بھنڈی پوائی جاندا

اوہنوں کلین شیواں دا شوق سی بہتیرا
اس شوق وچ وچارا، مُچھاں مُنائی جاندا

پِٹھ دھوڻ دا پتہ نہیں ، کہندا اے میں فقیہہ ہاں
ایویں ہی مسلیاں دا چرخہ گھُوکائی جاندا

سُودے نوں گھت کے پٹھے، وعظاں دے ہر جمعے نوں
آپڻے نفس دا کُتا مُلا بھوکائی جاندا
۔۔۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels