Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ماں دا ددھ ہن سوشل میڈیا تے وی لبھے گا، ماواں خش نیں۔بی بی سی

ماں دا ددھ ہن سوشل میڈیا تے وی لبھے گا، ماواں خش نیں۔بی بی سی

وچار ڈیسک
December 27th, 2017

دنیا کیہہ دی کیہہ سوچ رہی ہے، انسانی مسلیاں بارے فیس بک نوں وی ورت رہی ہے پر اساں ہلے وی ’’فیض آباد‘‘ وچ پھسے ہاں۔ساڈے ایتھے تے بلڈ بینک پورے نہیں تے ددھ بینک کتھوں؟اسمبلیاں نوں تے اساں ستر سالاں توں چلن نہیں دے رہے تے باقی اداریاں نوں کتھے چلانا ہے۔ پاکستانی زنانیاں وی تے سوشل میڈیا نوں کسے چنگے کم لئی ورت سکدیاں نیں۔تسی ایہہ خبر پڑھو
بی بی سی دی اک تحقیق دسیندی ہے پئی برطانیہ وچ ہزاراں دی گنتری وچ عورتاں اپنا ددھ سوشل میڈیا گروپاں پاروں ضرورت منداں نوں دے رہیاں نیں۔ برطانیہ دے محکمہ صحت تے ایس پاروں دبا وادھوپئی اوہ انہاں ماواں نوں زیادہ رہنمائیاں دے جو نیشنل ہیلتھ سروسز دی نگرانی توں بغیر ایہہ کم کررہیاں نیں۔ کجھ ماہرین نے ایس خطرے دے اظہار وی کیتا کہ اینج ایڈز تے ہپاٹائٹس ورگی بماریاں وی پھیل سکدیاں نیں۔ پر ایس دے حامیاں دا آکھنا ہے پئی ایہہ ماواں سوچ سمجھ کے ایہہ کم کررہیاں جے۔ وولور ہیمپٹن توں تعلق رکھن والی بیکس پول نامی خاتون نوں جداں اپنے پتر تھیو نوں اپنا ددھ پلاون وچ اوکڑ ہوئی تے اوہ کسی دوجی ماں دا ددھ لین وچ اوتاولی سی۔ تھیو دا وزن مناسب رفتار نال نہیں ودھ رہیا سی ۔ماں نوں ددھ نہیں چڑھ رہیا سی پر بیکس پول اپنے پُتر نوں پاڈر دا دودھ نہیں پیانا چاہندی سی۔ انہاں دی دوست نے انہاں نوں مشورہ دتا کہ فیس بُک تے ہیومن ملک فار ہیومن بے بیز یوکے (انسان دے بچیاں لئی انسان دا ددھ) نامی پیج ویکھو۔ ایہہ فیس بُک پیج انہاں ماواں دے درمیان دودھ دے تبادلے وچ مدد کردا ہے جیہناں دے کول ضرورت توں زیادہ ددھ ہے تے جیہناں نوں ددھ نہیں چڑھدا۔ پچھلے پنج سالاں توں ایس پیج نوں لائک کرن والیاں دی گنتری پنج گنا ودھ کے 18000 ہوچکی ہے۔ بیکس پول کہندی ہے میرا ددھ تے اونج وی نہیں بن رہیا سی۔ میں بغیر ہچکچاہٹاں، ایس پیج تے مدد دی اپیل کیتی۔ وورسٹر شائر کاؤنٹی دی سارہ میک ہیونامی زنانی نے جیہڑی نویں نویں ماں بنی سی،اوس نال رابطہ کیتا۔ سارہ میک ہیونوں اپنی دھی نوں ودھ پلان وچ مشکل پیش آرہی سی۔ بلاآخر انہاں نوں اپنا ددھ نچوڑ کے کڈھنا پیا تاکہ دھی نوں پیا سکے۔ نچوڑ کے کڈھن دی وجہ توں مینوں ضرورت توں زیادہ ددھ مل گیا، کیونجے ددھ ہور چڑھ آندا سی۔ میں فیس بک تے ماواں دے کجھ گروپاں دا حصہ سی جتھے میں دسیا کہ میرے کول ماں داوادھو دودھ ہے۔اجہے کماں نال نویں انسانی رشتے وی اسر رہے نیں۔ بیکس پول دا فریزر میک ہیو دے ددھ نال بھریا ہے۔ پر ایس طراں دی سکیماں تے کجھ ماہرین ولوں نکتہ چینیاں وی کیتی جارہیاں نیں۔ بعض ماہرین ایہہ سوال کررہے نیں کہ اجنبی عورتاں دا ددھ بچیاں نوں پلاون توں پہلاں کجھ گلاں دا پتہ ہونا لوڑی دا ہے۔ میک ہیو کہندی ہے کہ انہاں نے رضاکارانہ طور تے اپنے بارے وچ بہت ساریاں ذاتی معلوماتاں فراہم کیتیاں۔ مثلاً ایہہ کہ اوہ صحت مند نیں، سگرٹ نہیں پیندی تے ہسپتالاں دے ددھ بینک وچ اپنا دودھ عطیہ وی کردی ہے۔ فیس بک ایس سلسلے وچ رہنمائی دی پیشکش کردا ہے۔ فیس بک لوکاں تے زور دیندا ہے کہ اوہ ددھ لین توں پہلے ایہہ معلومات حاصل کرلین کہ عطیہ کرن والی عورتاں کیہڑیاں دوائیاں استعمال کردیاں نیں۔ شراب تے نشہ آور شیواں دے بارے وچ وی پوری معلومات ہونی چاہیدی ہے تے جے لور ہوئے تاں ددھ دا لیبارٹری ٹیسٹ وی کروا لینا چاہیدا ہے۔ برمنگھم وچ زنانیاں دے ہسپتال توں جڑی ڈاکٹر جیما ہولڈر نوں تشویشاں پئی بغیر طبی نگرانیاں دے ددھ دا تبادلہ بچیاں دی صحت نوں خطرے وچ پاسکدا ہے۔ ڈاکٹر جیما ہولڈر ہسپتال دے ددھ بینک وچ کم کردی ہے جتھے عطیہ کیتا جان والا ددھ نوں ٹیسٹ کرن بعدوں رکھیا جاندا ہے۔ ایس ددھ نوں فریزر وچ رکھن توں پہلے جراثیم توں پاک کیتا جاندا ہے۔ برطانیہ دی فوڈ سٹینڈرڈ ائجنسی دا کہنا ہے کہ اوہ طبی سیکورٹی پاروں عطیہ کیتے جان والے ددھ نوں ورتن دا مشورہ نہیں دیندے۔ ماہرین دا کہنا ہے کہ حکومت نوں ایس سلسلے وچ اپنا مزید کردار ادا کرنا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels