Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> خیبر پی کے۔کڑی نوں ننگا کرن دا وقوعہ۔کپتان،خٹک ، پلس تماشائی

خیبر پی کے۔کڑی نوں ننگا کرن دا وقوعہ۔کپتان،خٹک ، پلس تماشائی

وچار ڈیسک
November 12th, 2017

کڑی سرائیکی لہجے وچ پنجابی بولدے اپنا دکھڑا کل دنیا دےسامنے رکھیا اتے پلس دے گند بارے کھلی گلاں کیتیاں۔ پر کپتان اتے خٹکی سرکار نوں کوئی حیا نہ آئی۔عمران خان توں طلاق لین والی ریحام خان وی ایس ظلم تے چپ نہ رہ سکی۔پی ٹی آئی دے اپنے ممبر داوڑ کنڈی عمران نوں کھلا خط لکھ دتا پر بنی گالہ تے جوں وی نہیں رینگی۔برطانیہ دی مثالاں دین والا کپتان وی چپ اتے زنانیاں دے حقاں دی پردھان جمائما وی کونگی۔کڑی صاف صاف دس رہی ہے پئی خیبر پی کی دی آزاد پلس کنج دبا پایا اتے اوس دے بیان نوں توڑ مڑوڑ کے عدالت وچ جمع کروایا۔آزاد پلس اوہی کیتا جو صوفی مشال خان دے کیس وچ کیتا گیا سی۔ اصل ملزم دی تھاں ڈھیر دوجیاں گرفتاریاں پانا، کیس نوں خراب کرن اتے عدالت تے میڈیا نوں چکر دین دا روائیتی سلسلہ ہے۔اٹھ مہینے توں مشال خان کیس دا مذق بناون وچ عمران سنے وزیر اعلی تے خیبر پی کے دی پلس وی ملوث ہے۔عمران خان لئی ’’شہد‘‘ لیاون والا علی امین گنڈا پور ہن آکھدا ہے پئی جے میں کسی کُڑی نوں برہنہ کرن دے افسوس ناک واقعے وچ ملوث نکلیا تے پھانسی دے دتی جائے۔اوس نوں پتہ ہے پئی کیس تے آزاد پلس ہی بنانا ہے، تفتیشاں اوہی کرے گی تاں ڈر کس گل دا۔چیتے رہے کہ تحریک انصاف دے رکن قومی اسمبلی داوڑ خان کنڈی نے انکشاف کیتا سی کہ ڈیرہ اسماعیل خان وچ کُڑی نوں برہنہ کرن دے واقعے وچ انہاں دے ساتھی تے خیبرپختونخوا وچ وزیر مالیات علی امین گنڈا پور ملوث نیں۔
وچار پہلاں ایس بارے جیہڑی خبر چھاپی سی
http://www.wichaar.com/news/117/ARTICLE/33647/2017-11-05.html


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels