Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> لہور وچ زنانیاں لئی وکھری عدالت ۔قنون وچ ترمیم وی ہو رہی ہے

لہور وچ زنانیاں لئی وکھری عدالت ۔قنون وچ ترمیم وی ہو رہی ہے

وچار ڈیسک
October 25th, 2017

زنانیاں دی عدالت بارے وائس آف امریکہ خبر چھاپی ہے پئی جس پاروں زنانیاں زیادہ سہولتاں نال آپدے مسلیاں نوں حل کروا سکن گیاں۔کیہہ انہاں عدالتاں وچ جج اتے عملہ وی زنانیاں تے مشتمل ہو سی؟ ایس بارے کوئی پک نہیں۔زنانیاں دی جتھے بندیاں اتے این جی اوز ایس بارے کیہہ آکھدیاں نیں ایہہ وی جانن دی لور ہے۔ڈان چھ اکتوبر نوں خبر چھاپی سی پئی پنجاب ویمن پروٹیکشن اتھارٹی وزیر اعلی پنجاب دی آگوائی وچ زنانیاں لئی وکھری عدالتاں دا فیصلہ کیتا سی۔انہاں عدالتاں دی جج وی زنانیاں ہون گیاں۔ایس پاروں تشدد خلاف بنائے پروٹیکشن آف ویمن بل2017وچ ترمیم کیتی جائے گی۔اجہی اک نمونے دی عدالت پنجاب دے شہر ملتان وچ مارچ توں کم کر رہی ہے۔ایہہ فیصلہ وی کیتا گیا پئی اجہی عدالتاں ہر ضلع وچ بنن گیاں۔اجہے مقدمیاں دی راکھی لئی اک پلس افسر دی پوسٹ وی بنائی جا رہی ہے جس دی پردھان زنانی گریڈ19دی ہو سی۔چیتے رہے پئی زنانیاں تے انسانی حقاں بارے گل کرن والی عاصمہ جہانگیر ہوری ایہہ مطالبہ کر چکی نیں کہ زنانی ججاں دا کوٹہ بنایا جائے۔سٹہٹس آف ویمن نامی ادارے نے ویمن عدالتاں دے خیال نوں بہوں پسند کیتا ہے۔ تساں ہن خبر پڑھو۔
زنانیاں نوں ہراساں کرن دے مقدمے ہون یا عورتاں نوں کسی اہم مقدمے وچ شہادت قلم بند کرانیہوئے، انہاں لئی ہن وکھری عدالت کم کرے گی۔ چیف جسٹس لہور ہائی کورٹ جسٹس منصور علی شاہ نے پنجاب دے صوبائی دارالحکومت لہور وچ عورتاں لئی وکھری عدالت دی مکھ وکھالی کر دتی ہے۔ کل مکھ وکھالی دے اکٹھ نال گل بار کریندے ہوئے چیف جسٹس لاہور ہائی کورٹ شاہ ہوراں آکھیا کہ عورتاں تے تشدد ہوندا ہے پر ایس نوں سامنے نہیں لیا جاندا۔ انہاں نے آکھیا کہ ایس عدالت نوں اسارن دا ٹیچا ایہہ ہے پئی انہاں نوں مکمل پرائیویسی دے نال قنونی تحفظ فراہم کیتا جائے۔ چیف جسٹس لہور ہائی کورٹ نے آکھیا کہ ایسی عدالتاں پورے صوبے وچ بنائیاں جان گئیاں۔ایہو نہیں سگوں بچیاں توں متعلق معاملات لئی وی الگ کورٹ بنان تے غور کیتا جارہیا ہے۔ مختلف مسلکاں نال جڑیاں زنانیاں نے عورتاں لئی مخصوص عدالت دے قیام نوں اپنے لئی بہوں زیادہ فیدہ مند قرار دتا ہے۔ عورتاں لئی وکھری عدالت توں دوجی عدالتاں تے مقدمیاں دا دباؤ گھٹ ہوئے گا تے عورتاں نوں وی تحفظ دا احساس ہوئے گا۔ لہور دے علاقے گلبرگ دی رہائشی ثمینہ رمضان نے وائس آف امریکہ نال گل بات وچ آکھیا کہ عورتاں پہلے توں زیادہ خود مختار ہورہیاں نیں تے وکھری عدالت وچ اوہ نہ صرف اپنے حق لئی گل بات کرسکن گیاں سگوں اپنے خلاف ہون والی زیادتیاں تے وی آواز چُک سکن گیاں۔ لہور ہی دے علاقے کیولری گراؤنڈ دی رہائشی عالیہ سلطان نے عورتاں لئی وکھری عدالت دے قیام دا خیر مقدم کردے ہوئے آکھیا کہ عام طور تے عورتاں تے تشدد ہوندا ہے یا کسی نوں ہراساں کیتا جاندا ہے تے اوہ کسی نوں آسانی نال دس وی نہیں سکدی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels