Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> قتل گوری دا: ایہہ میرا بھارت نہیں۔ اے آررحمن۔بنیاد پرست ہر تھاں اکو جہے

قتل گوری دا: ایہہ میرا بھارت نہیں۔ اے آررحمن۔بنیاد پرست ہر تھاں اکو جہے

وچار ڈیسک
September 10th, 2017

ہندو انتہا پسنداں اوس نوں ’’کنجری‘‘ تک آکھیا اتے باقی سب تماشہ ویکھدے رہے۔

عدالت، میڈیا تے انتہا پسند کنج کسے ملک دا بیڑا غرق کر سکدے نیں ایس دی مثالاں جنوبی ایشیا وچ وادھو۔پر فنکار تے بول اٹھدا ہے کیونجے اوس نوں آون والے ویلے دا پہلاں توں لگ پتہ جاندا ہے۔تنگ نظر قوم پرست، مذہبی انتہا پسند،عدالتاں، سیکورٹی ادارے اتے آزاد میڈیا کنج اپنے ملکاں نوں بدنام کردے نیں گوری دا کیس ایس دا وڈا لشکارا۔اوہ کھبے پکھ دی اک صحافی سی جس خلاف عدالت وی ات گرداں نال رلی ہوئی سی اتے سیکورٹی اداریاں اوس نوں مرن دتا تے میڈیا گند نوں اچھالیا۔ایہہ مسلہ نرا بھارت دا نہیں سگوں ایہہ جنوبی ایشیائی ریاستاں دا وڈا المیہ جے۔
ممبئی فلم ’ون ہارٹ‘ دے پریمیئر دے موقعے تے لنکیشن دے قتل دے بارے پچھے گئے اک سوال دے جواب وچ اے آر رحمن نے آکھیا کہ میں ایس بارے وچ بہت دکھی ہاں۔ انڈیا وچ اینج نہیں ہونا چاہیدا ہے۔ جے ایسی واردات بھارت وچ ہوندی ہے تے ایہہ میرا بھارت نہیں ہے۔ میں چاہندا ہاں پئی بھارت ترقی کرے تے ہر کسے دا پالن ہار بنے۔ گریمی تے آسکر ورگے پردھان ایوارڈ جتو موسیقار اے آر رحمان دے موسیقی دی دنیا وچ 25 سال پورے ہوگئے نیں۔ ایس موقعے تے اے آر رحمان نے اپنے مذہبی عقیدے دے بارے وچ گل کردے ہوئے آکھیا کہ مذہب توں انہاں نوں اپنے کریئر نوں شکل دین وچ مدد ملی ہے۔ اے آر رحمان نے 23 سال دی عمر وچ 1989 وچ اسلام قبولیا سی۔ اے آر رحمان دے مطابق انہاں لئی اسلام دا مطلب سادہ زندگی جینا تے انسانیت نوں سب توں اوتے رکھنا ہے۔ برطانوی خبر رساں ایجنسی روئٹرز نوں دتے گئے انٹرویو وچ اے آر رحمان نے آکھیا اسلام اک سمندر ہے جس وچ 70 توں زیادہ فرقے نیں جیہناں چوں اوہ صوفی فرقے تے عمل کردے نیں جو پیار سکھاندا ہے۔ میں جو کجھ وی ہاں ایسے صوفی فلسفے دی وجہ توں ہاں تے میرا خاندان وی ایس دی پیروی کردا ہے۔ ظاہر ہے کہ کئی ایس چیزاں ہورہیا نیں جو زیادہ تر سیاسی نیں۔ اے آر رحمان نوں اپنے کریئر وچ ہن تک دو آسکر، دو گریمی تے اک گولڈن گلوب ایوارڈ مل چکیا ہے تے اوہ دنیا دے معروف ترین فنکاراں دے نال کم کرچکے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels