Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ائیر لائن مخصوص سائز دا لباس پاون دا حکم نہیں دے سکدی؟

ائیر لائن مخصوص سائز دا لباس پاون دا حکم نہیں دے سکدی؟

وچار ڈیسک
September 8th, 2017

ائیر لائناں سوہنیاں ، گھٹ عمرتے سمارٹ زنانیاں نوں کیوں جہاز وچ رکھدیاں نیں ایہہ سب جاندے نیں پر عدالت نوں تے ایہہ نہیں آکھیا جاسکدا۔تاں مارے کدی ہنگامی حالتاں دا ذکر کیتا جاندا ہے تے کدی پھرتیاں دا۔جاندے تے جج وی نیں پرسب بندے، زنانی نوں نراماڈل وانگ ہی ویکھنا چاہندے نیں۔کم دا طریقہ آئے یا نہ آئے، ایس بارے گل بعد وچ کیتی جاندی ہے۔روسی فضائی کمپنی ایئرو فلوٹ دی دو ائیر ہوسٹساں نے عدالت وچ درخاست دتی سی کہ انہاں نوں زیادہ وزن دی وجہ توں اجہے روٹاں والے جہازاں تے ڈیوٹیاں دتیاں جاندیاں نیں جتھے کمپنی نوں گھٹ منافا ہوندا ہے۔ انہاں نے ائیر لائن ولوں امتیازی رویہ ورتن دی شکایت کیتی سی۔ ایئر وفلوٹ نے اپنے فضائی عملے نوں آکھیا کہ اوہ 48 سائزتوں وڈے کپڑے نہیں پاسکدیاں۔ عدالت نے اپنے حکم وچ فضائی کمپنی دی ایس پالیسی نوں واضع طور تے امتیازی قرار نہیں دتا ہے پر کمپنی نوں تنخواہاں وچ کمی تے نقصاناں پاروں ائیر ہوسٹساں نوں اصافی رقماں دین دا حکم دتا ہے۔ ایئر لائن دا کہنا ہے کہ اوہ ایس فیصلے تے جھات پاون بعد ہی ایہہ فیصلہ کرے گی کہ آیا انہاں نوں گائیڈ لائینز تبدیل کرنی چاہیدیاں نیں یا نہیں۔ ایئر لائن ترجمان نے روس دی نیوز ایجنسی نوں دسیا کہ اوہ ایس گل تے مطمئن ہے کہ عدالت نے انہاں دے ایس اقدام نوں امتیازی قرار نہیں دتا ہے۔ عدالت وچ درخاست دائر کرن والی اک میزبان نے نامہ نگاراں نوں دسیا کہ انہاں دے کپڑیاں دا سائز دا انہاں دی کارکردگی تے اثر نہیں ہوندا ہے۔ انہاں نے آکھیا کہ میں یقین نال کہہ سکدی ہاں کہ کپڑیاں دا سائز پیشہ وارانہ صلاحتاں تے اثر انداز نہیں ہوسکدا ہے۔ ایہہ سمجھ توں بالا تر ہے ۔سب توں پہلی گل ایہہ ہے کہ جو کم وی کیتا جائے اوہ صیح انداز نال کیتا جائے تے ایہہ دوجے درجے دی گل ہے کہ تسی نظر کس طراں آندے ہوں۔ عدالت وچ مقدمے دی سماعت دے دوران ائیر لائن نے آکھیا کہ زیادہ وزن والی فضائی میزبان ہنگامی صورتحال لئی زیادہ کارآمدنہیں ہے کیونکہ انہاں حالات وچ فوری ایکشن کرنا ہوندا ہے۔ ائیر لائن دا کہنا سی کہ زیادہ وزن توں ایندھن دا خرچ وی ودھ جاندا ہے۔ ائیر لائن وچ ملازمت لئی درخاست دین لئی قد تے کپڑیاں دے سائز دے بارے وچ معلومات دینا ضروری ہوندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels