Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ڈیانا دی نجی ویڈیوزنشر نہ کیتیاں جان۔۔بی بی سی۔۔کس نوں بچانا چاہندے نیں؟

ڈیانا دی نجی ویڈیوزنشر نہ کیتیاں جان۔۔بی بی سی۔۔کس نوں بچانا چاہندے نیں؟

وچار ڈیسک
August 2nd, 2017

کیہہ اہی معیار بی بی سی دوجے ملکاں لئی وی رکھیا ہے یا اوس دا ٹیچا نرا شاہی خاندان نوں بچانا اتے کوڑ برٹش پالیسیاں نوں سوہنا کر کے پیش کرنا ہی ہے؟ جے کوئی میڈیا دے یو ٹرناں تے کتاب لکھے تے اوس نوں دفتر دے دفتر لکھنے پین گے۔میڈیا دے معیار ایجنڈیاں پاروں بدلدے رہندے نیں اتے ڈرامیاں وانگ اوہ اینکراں، پروڈیوسراں تے جرنلسٹاں نوں متضاد کردار ادا کرن تے وی مجبور کردے نیں۔ایہو کم پاکستان وچ وی ہوندا ہے، سگوں ہو رہیا ہے۔چلو ہن تساں بی بی سی دی ہشیار خبر پڑھو۔

شہزادی ڈیانا دے دوستاں نے چینل 4 توں مطالبہ کیتا ہے کہ ایسی متنازع ویڈیو ٹیپس نوں نہ نشر کرن جس وچ اوہ اپنی ازدواجی زندگی دی اوکڑاں بارے گل کررہی ہے۔ ڈیانا کہانی، ڈیانا زبانی(Diana in her own words )دے سرناویں توں اک ڈاکو منٹری شہزادی ڈیانا دی موت دی 20 ویں برسی دے موقع تے نشر کیتی جائے گی۔ ایہہ ویڈیو ٹیپس شہزادی ڈیانا دے سپیچ کوچ نے ریکارڈ کیتیاں سن تے اج توں پہلے برطانیہ وچ کدی وی نہیں ویکھی گئی۔ چینل 4 دا کہنا ہے کہ انہاں نے اک منفرد نکتہ نظر پیش کیتا ہے۔ جداں کہ ڈیانا دی قریبی دوست روزا مونکٹن دا کہنا ہے کہ اوہ شہزادی دے نجی معاملات وچ دخل اندازی کررہے نیں۔ روزا مونکٹن چینل 4 نوں لکھ وی رہی ہے کہ اوہ ٹیپس نشر نہ کرن۔ انہاں نے اخبار دی گارجئین نوں دسیا کہ ایہہ عوام توں متعلق نہیں ہے۔ ایہہ انہاں دی نجی زندگی تے خاندان دی نجی زندگی دے نال دھوکہ ہے۔ ایہہ ویڈیو پیٹر سٹیلین نے ریکارڈ کیتی سی جیہناں دی خدمات ویلز دی شہزادی نے 1992 تے 1993 دے درمیان خطابت وچ بہتری لیان لئی حاصل کیتیاں سن۔ ایہہ ویڈیو کینسنگٹن پیلس وچ ریکارڈ کیتی گئی تے ایس وچ شہزادی ڈیانا نوں پرنس آف ویلز دے نال شادی، انہاں دی سیکس دی زندگی تے کیملا پارکر بولز دے نال انہاں دے افیئر دے بارے وچ گل کردے ویکھیا جاسکدا ہے۔ شاہی خاندان دے سابق ترجمان ڈکی اربیٹر نے بی بی سی دے پروگرام وکٹوریہ ڈربی شائر وچ دسیا کہ ایہہ ٹیپس نجی تے ٹریننگ سیشنز دے طور تے ریکارڈ کیتیاں گئیاں سن۔ بند دروازیاں دے پچھے جو کجھ ہویا ایس نوں خفیہ رہنا چاہیدا ہے۔ شاہی بائیو گرافر پینی جونر دا کہنا سی کہ میرے خیال وچ ایہہ خاصا فحش ہے کہ اوہ ایہہ سب دکھا رہے نیں۔ایہہ غیر اخلاقی وی جے۔ انہاں دا کہنا ہے کہ جداں ایہہ بنائی گئی ڈیانا دی شادی دا حال ہی وچ خاتمہ ہویا سی اتے اوہ وکھ ہوگئے سن، اوہ بہت برے حال وچ سن۔ انہاں دا کہنا سی کہ شہزادی ڈیانا کدی وی نہیں چاہندی سی کہ کوئی وی زندہ انسان انہاں نوں سن سکے۔ دوجے ول چینل 4 دے ڈپٹی کریٹیو آفیسر رالف لی آکھیا ہے پئی ایہہ ویڈیو ٹیپس حیران کن تاریخی دستاویزاں نیں جس دی وجہ توں ڈیانا دی اک نویں تصویر تخلیق کرن وچ مدد ملی۔ انہاں نے بی بی سی نوں آکھیا کہ 20 سال اک چنگا خاصا وقت ہے کہ ایس قسم دی کوئی چیز سامنے آئے تے ایس نوں نشر کیتا جائے۔ یاد رہے کہ شہزادی ڈیانا دا 31 اگست 1997 نوں پیرس وچ اک کار حادثے وچ پوری ہوئی سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels