Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> اک ہور مختاراں مائی نال زیادتی: پر مختاراں نوں انصاف ملیا سی؟کوڑ بیانیہ کد مک سی؟

اک ہور مختاراں مائی نال زیادتی: پر مختاراں نوں انصاف ملیا سی؟کوڑ بیانیہ کد مک سی؟

July 27th, 2017

مشال خان کیس، طیبہ تشدد کیس بارے کوئی پتہ نہیں تے نواں کیس سامنے۔جبری زنا پہلاں وی سب دے سامنے ہویا سی پر قبائلی تھاواں تے گواہی کوئی نہیں دیندا کیونجے گواہاں نوں ریاست تحفظ نہیں دے سکدی۔میڈیا دی شیر اج فیر بڑکاں لاندے رہے۔
میڈیا تے مختاراں مائی دا کیس وی چکیا سی؟ مختاراں مائی نوں انصاف کیوں نہ ملیاسی؟ مختاراں مائی نوں سرعام جھوٹا آکھن والے جمشید دستی نوں مہان اینکر اج وی بلاندے نیں تے دوجے پاسے’’مصلح‘‘ صحافی تے اینکر سارا الزام سیاستداناں تے لاندے ہوئے اپنا رانجھا راضی رکھن دی کوشش کردے نیں۔مائی ہوراں نال زیادتی 22جون2002وچ ہوئی سی تے کیس دا فیصلہ سپریم
کورٹ توں ہوندے ہوندے21اپریل2011آگیا سی۔فیصلے وچ عدالت لہور ہائیکورٹ ملتان بینچ
 دے2005والے فیصلے نوں برقرار رکھیا سی جس وچ پھڑیچے چھ ملزماں وچوں5چھڈ دتے سن تے اک نوں عمر قید دتی گئی سی۔ہن اک ہور مختاراں مائی دا کیس سامنے آیا ہے تے تھاں اوہی۔ ہن جمشید دستی کون بنے گا؟ پتہ چل جائے گا۔ڈان دی خبر پاروں جولائی دی سولہ تریخ نوں بارہ سال دی بالڑی (ف) پیلیاں وچ گھاہ کٹ رہی سی جداں اک منڈے اوس نال زبردستی جنسی زیادتیاں کیتیاں۔قبائلی جرگہ یا پنجائیت بیٹھی اتے17سالہ(ن) نوں(ف) دے بھائی کولوں اپنے سامنے ریپ کروایا۔(ن) دے بھرا تے (ف) نوں ریپ کرن دا الزام سی۔مشال توں ایس پنجائیتی فیصلے تیک سب آپ ہی عدالتاں لا رہے نیں۔خبر وچ دسیا گیا ہے کہ ریپ ویلے40لوگ موجود سن اتے پلس20بندے پھڑیچے نیں۔جرگہ دا ہیڈ وی پھڑیا گیا ہے تے باقیاں دی تلاش جاری۔پر بندے تے مشال کیس وچ وہ پھڑیچے گئے سن تے سو موٹو وادھو۔طیبہ کیس وچ تے ملزم ایڈیشنل سول جج تے اوس دی زنانی وی سب دے سامنے سن۔’’مصلح‘‘ میڈیا دو چار دن خبر نوں بھنڈے گا فیر مشال وانگ اوس نوں میڈیا تے ٹواں ٹواں گل ہوئے گی۔پرسوں سراج الحق نے مشال کیس نوں عالمی سازش آکھیا سی تے کل کلاں نوں پنجائیت یا جرگہ نوں کلچر،روایات،پختون ولی تے پتہ نہیں کیہہ کیہہ آکھ کے بچایا جائے گا۔جے یاد ہوئے تے جیہڑی لڑائی بگٹی دے قتل تیک اپڑی سی اوہ وی اک ریپ توں شروع ہوئی سی۔ہن تیک دی خبراں وچ ایف آئی آر دا ذکر تے ہے پر پنجائیت دے ہیڈ سنے کسی ملزم دا ناں نہیں۔میڈیا تے ڈھنگ نال پورے مسلے تے اپنے گھاٹیاں بارے گل کرن دی تھاں بڑکاں وادھو۔سوال زیادہ تے جواب نشتہ!
https://www.dawn.com/news/1347764/police-arrest-20-panchayat-members-who-ordered-revenge-rape-in-multan

Read this too
http://www.speroforum.com/a/52691/Pakistan-Court-verdict-reveals-tribal-cultures-mistreatment-of-women#.WXjH_ISGPIU


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels