Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> بھارت تے زنانی مخالف مائنڈ سیٹ:ریپ توں متعلق بیان تے رکن پارلیمنٹ تے مقدمہ

بھارت تے زنانی مخالف مائنڈ سیٹ:ریپ توں متعلق بیان تے رکن پارلیمنٹ تے مقدمہ

وچار ڈیسک
July 18th, 2017

ایہہ اک بھارتی سنیٹر دا بیان ہے کہ ممتا بینر جی دی مخالفت وچ بی جے پی ایس حد تک ڈگ جائے گی ایس بارے کسے سوچیا وی نہیں ہوئے گا۔ساڈی سیاست تے صحافت وچ اجہے انتہا پسند وادھو جیہڑے بڑکاں مارن بعدوں سوچدے نیں کہ انہاں کیہہ آکھ دتا۔پاکستان وچ وی مختاراں مائی کیس بعدوں جنرل(ر) مشرف وی زنانیاں خلاف اینج دی گلاں ہی کیتیاں سن۔روپا دی گل ہور وی ماڑی ہے کہ اوہ آپ اک زنانی ہے۔سیاسی مخالفتاں وچ ایس حد تیک ڈگنا کسے وی طراں اپنا بوتھا وگاڑن دی گل ہی ہے۔
راجیہ سبھا دی خاتون رکن نے پچھلے دن بھارتی ریاست مغربی بنگال دے دورے دے دوران وزیراعلیٰ ممتا بینرجی دی حکومت نوں تنقید دا نشانہ بناندے ہوئے ریپ توں متعلق اونترا بیان دتا سی۔ روپا گنگولی نے بھارتی نشریاتی ادارے اے این آئی نال گل بات کردے ہوئے آکھیا سی کہ اوہ انہاں سارے رکن پارلیمنٹ تے انہاں افراد نوں جو وزیراعلیٰ ممتا بینرجی دی حمایت کردے نیں نراایہہ مشورہ دے گی کہ اوہ اپنی بیویاں، دھیاں، تے بھرجائیاں نوں ممتا بینرجی دا پروٹول لتے بغیر ریاست بنگال گھلن تے جے اوہ عورتاں ایتھے ریپ دا نشانہ بنن بغیر 15 دن تک رہ گئیاں تے فیر آکے گل کرن۔ بھارتی نشریاتی ادارے پریس ٹرسٹ آف انڈیا (پی ٹی آئی) دے مطابق بی جے پی دی خاتون رکن اسمبلی روپا گنگولی ولوں عورتاں دے خلاف عوام سامنے نازیبا گل کرن تے 15 جولائی نوں مقدمہ درج کیتا گیا سی۔ روپا گنگولی تے صوبائی حکمران جماعت آل انڈیا ترینا مول کانگریس دے مقامی رہنما دی فریاد تے کلکتہ دے نمتا پلس ٹیشن وچ مقدمہ دائر کیتا گیا۔ کلکتہ پلس دے عہدیدار دا حوالہ دیندے ہوئے نشریاتی ادارے نے دسیا کہ روپا گنگولی ولوں ریپ دے متعلق اونترے بیان دین سمیت بی جی پی مغربی بنگال دے صوبائی صدر دلیپ گھوش دے خلاف وی تحقیقاں شروع کردتیاں نیں۔ پلس دے مطابق دلیپ گھوش نے وی وزیر اعلیٰ ممتا بینرجی تے مغربی بنگال حکومت نوں تنقید دا نشانہ بناندے ہوئے اونتری گلاں کیتیاں سن۔ خیال رہے کہ بی جے پی خاتون رہنما روپا گنگولی ولوں ایہہ بیان اک ایسے موقع تے سامنے آیا جداں ریاست مغربی بنگال دی حکومت گینگ ریپ تے ریپ توں متعلق نواں قنون بنان تے کم کررہی ہے۔ مغربی بنگال دی حکومت نے ریپ توں متعلق نواں قنون بنان دی تیاری پچھلے مہینے ریاست دے قبائلی ضلع دیناجپور وچ 3 عورتاں نوں گینگ ریپ دا نشانہ بنائے جان دے بعد شروع کیتیاں سن۔ عورتاں دے گینگ ریپ دے خلاف قبائلی ضلع وچ سخت احتجاج ویکھن وچ آیا سی جس دے بعد ریاستی حکمران جماعت دے مقامی رہنماواں نے پلس نوں ملزمان دی گرفتاری دا حکم دتا۔ ملزماں دی گرفتاریاں لئی قبائلیاں دا احتجاج جاری رہیا تے حکمران جماعت نے ملزماں نوں گرفتار نہ کرن دی ذمہ واری پلس تے پاندے ہوئے آکھیا ایس وچ حکومت دا کوئی قصور نہیں۔ روپا گنگولی دا شمار بی جے پی دی متحرک خاتوں رہنماواں وچ ہوندا ہے۔ اوہ پارٹی دے جلسیاں لئی بھارت دی ساریاں ریاستاں دا دورہ کردی رہندی جے۔ انہاں دا تعلق وی بنگال توں ہے تے اوہ سیاست توں پہلے پلے بیک سنگر تے اداکارہ سن۔ انہاں نے متعد فلماں تے ڈرامیاں وچ وی اداکاری دے جوہر وکھائے۔ روپا گنگولی نوں شاندار اداکاری تے نیشنل ایوارڈ توں وی نوازیا گیا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels