Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> نوشہرہ:قرآن پڑھدی شادی شدہ خاتون نوں تیل چھڑک کے ساڑھ دتا گیا۔مشال وانگ کیس لمک نہ جائے

نوشہرہ:قرآن پڑھدی شادی شدہ خاتون نوں تیل چھڑک کے ساڑھ دتا گیا۔مشال وانگ کیس لمک نہ جائے

وچار ڈیسک
July 7th, 2017

خیبر پختونخوا۔ ضلع نوشہرہ دے اک پِنڈ نال تعلق رکھن والی خاتون الماس بی بی جیہناں تے سس تے دوجے سسرالیاں تیل چھڑک کے اگ لا دتی سی، ہن کھاریاں دے اک ہسپتال وچ موت و حیات دے وچ تڑپ رہی ہے۔ متاثرہ خاتون دے بھراء محمد عارف نے وائس آف امریکہ نال گل بات وچ آکھیا کہ انہاں نوں انصاف چاہیدا ہے کیونکہ بقول انہاں دے مخالف فریق بہوں اثر والا ہے ۔اتوں چوناں دے دن نیڑے نیں تاں مشال شہید کیس وانگ ایہہ مقدمہ وی لمک سکدا ہے۔ ہمیش وانگ پلس افسر نے عارف دے الزاماں نوں مسترد کردے ہوئے آکھیا ہے کہ ایس معاملے وچ کسی قسم دے دبا وچ نہیں آواں گے۔مطلب ایہو ہے کہ دبا ہیگا ہے۔ محمد عارف نے دسیا کہ الماس بی بی نے سس تے دوجے رشتہ داراں نوں عید پاروں اپنے والدین دے گھر جان دا آکھیا سی جس تے انہاں دے گھروچ لڑائی وگڑ گئی۔ عارف دے مطابق عید دے دوجے دن جداں الماس بی بی قرآن کریم دی تلاوت کررہی سی تے پچھوں ایس دی سس تے دیور دی بیوی نے مٹی دا تیل چھڑک کے اوس نوں اگ لادتی۔ بعد چوں انہاں نوں مقامی ہسپتال پہنچا دتا گیا جتھوں ڈاکٹراں دے مشورے تے پنجاب گھل دتا جتھے کھاریاں دے فوجی ہسپتال وچ اک وڈا برن یونٹ ہے۔ عارف نے دسیا کہ ڈاکٹراں دے مطابق الماس بی بی دے جسم دا 80 فیصد حصہ جھلس چکیاہے۔ ضلع نوشہرہ دے قصبے پبّی دے پلس تھانیدار فضل شیر نے رابطہ کرن تے وائس آف امریکہ نوں دسیا کہ ایس واقعہ دے فوراً بعد الماس بی بی دے رشتہ داراں دی رپورٹ تے مقدمہ درج کیتا گیا ہے تے اک ملزم نوں اوسے وقت گرفتار وی کیتا گیا ہے۔ پر دو ملزماں نے اک عدالت توں ضمانت قبل از گرفتاری حاصل کرلتی ہے۔ساڈی عدالتاں ایڈی چھیتی ضمانتاں کیویں لیندیاں نیں؟ اک سوال دے جواب وچ پلس عہدیدار نے ایس تاثر نوں مسترد کردتا کہ پلس ملزمان دے لئی نرم گوشہ رکھدے نیں یا مقدمے وچ انہاں دی مدد کررہے نیں۔ انہاں نے آکھیا کہ متاثرہ خاتون تے ایس دے خاندان نوں ہر ممکن تعاون فراہم کرن دی کوشش کیتی جارہی ہے۔ خیبر پختونخوا تے ملحقہ قبائلی علاقیاں وچ خواتین دے خلاف تشدد دے واقعات وچ دن بدن اضافہ ہوندا جارہیا ہے۔ حالیہ دناں وچ صوابی تے قبائلی علاقے لنڈی کوتل وچ 2 خواتین نوں غیرت دے ناں تے قتل کردتا گیا سی۔ذرا غور کرو خبر وچ ایہہ نہیں دسیا گیا کہ ملزم کڈے تگڑے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels