Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> کاڈے(خیبر پختونخواہ) وچ ’غیرت دے ناں‘ تے کمسن کُڑی قتل۔وائس آف امریکہ

کاڈے(خیبر پختونخواہ) وچ ’غیرت دے ناں‘ تے کمسن کُڑی قتل۔وائس آف امریکہ

وچار ڈیسک
July 4th, 2017

پاکستان دے شمال مغربی صوبہ خیبر پختونخواہ وچ رواں سال غیرت دے ناں تے قتل دی وارداتاں وچ اضافہ ویکھیا گیا ہے تے تازہ ترین واقعے وچ اک 12 سالہ لڑکی دی مبینہ طور تے اپنے رشتے داراں دے ہتھوں ہلاکت دی اطلاعاواں سامنے آئیاں نیں۔ حکام دے مطابق صوابی دے علاقے کاڈے وچ اک 12 سالہ کُڑی نوں سکیورٹی فورسز نے ایک مُنڈے نال جاندے ہوئے ویکھیا تے جدوں انہاں نوں روک کہ پچھُیا گیا تے پتہ لگا کہ اوہ ’’اک دوجے نوں پسند کردے نیں‘‘ تے گھر چھڈ کے جارہے نیں۔ تاہم سکیورٹی اہلکاراں نے کُڑی دے گھر والیاں نال رابطہ کرکے ایس یقین دہانی تے بچی نوں انہاں دے حوالے کردتا کہ اوہ ایس نوں کوئی نقصان نہیں پہنچان گے۔ پر ایس واقعے دے چند ہی دناں بعد مبینہ طور تے رشتے داراں نے فائرنگ کرکے ایس کُڑی نوں قتل کردتا۔ پلس نے ایس واقعے وچ لڑکی دے دو رشتے داراں نوں تحویل وچ لے کے تفتیشاں شروع کر دتیاں نیں۔ انسانی حقاں دی تنظیماں دے مطابق رواں سال خیبر پختونخواہ دے مختلف علاقیاں وچ 25 توں وادھو زنانیاں دے غیرت دے ناں تے قتل دے واقعات سامنے آچکے نیں جو کہ اک تشویش ناک گل ہے۔ رواں سال فروری وچ ہی کوہاٹ نال تعلق رکھن والی اک اعلیٰ تعلیم یافتہ خاتون حنا شاہنواز نوں بظاہر ایس لئی قتل کردتا گیا سی کہ خاندانی روایات دے برخلاف اک غیر سرکاری تنظیم وچ کم کررہی سی جس تے انہاں دے رشتے دار نالاں سن۔ گو کہ حکومت نے غیرت دے ناں تے قتل دے واقعات دے تدراک لئی حالیہ سالاں وچ قنون سازی وی کیتی ہے پر ایسے قوانین تے موثر عملدرآمد نہ ہون دی شکایاتاں سامنے آندی رہندیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels