Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> مختاراں مائی دی زندگی تے امریکہ وچ اوپرا شو:چیف جسٹس مڑ غور کرن؟ریپ ہویا ہی نہیں۔جمشید دستی

مختاراں مائی دی زندگی تے امریکہ وچ اوپرا شو:چیف جسٹس مڑ غور کرن؟ریپ ہویا ہی نہیں۔جمشید دستی

July 1st, 2017

وائس آف امریکہ ایہہ کہانی لاس اینجلس توں چھاپی ہے ۔ مختاراں مائی نال جنسی زیادتیاں کرن والیاں نوں سپریم کورٹ2011 وچ کیوں رہا کیتا سی؟جے کیس کمزور بنیا سی یا تفتیشاں کوڑ سن تے ریاست نوں اگے ودھنا چاہیدا سی؟کیونجے موجودہ چیف جسٹس اوس تن رکنی بنچ دے ممبر سن جس دی آگوائی میاں شاکر اللہ کر رہے سن اتے ناصر الملک وی ممبر سن تاں مارے اج اوہ ایس بارے مڑ جھات پاون دی گل کر سکدے نیں۔دنیا وچ ایہہ کیس پاکستان دے عدالتی بندوبست بارے وی سوال بربر چک رہیا ہے تے پاکستان بارے وی۔ہور تے ہور علاقے دے ممبر اسمبلی تے غریباں دی گل کرن والے جمشید دستی تے ایس حد تیک اپڑ گئے سن کہ انہاں کیپیٹل ٹاک وچ ایہہ آکھیاسی کہ مختاراں مائی نال جنسی زیادتیاں ہوئیاں ہی نہیں تے اوہ رقماں کماون لئی اجہے ڈرامے کر دی ہے۔ایہو گل نیویارک وچ مشرف آکھی سی جداں اوہ پاکستان دا غیر آئینی صدر بنیا بیٹھا سی۔جے عدالت کجھ نہیں کردی تاں چیرمین سینیٹ یا سپیکر اسمبلی نوں ایس بارے کجھ کرنا لوڑی دا ہے۔چیتے رہے، مشرف دور وچ 2005 دے مارچ وچ ملتان بینج ، لہور ہائیکورٹ نے ملزماں نوں چھڈیا سی اتے ایس خلاف اپیل دا فیصلہ پورے چھ سال بعد آیا سی اوہ وی ملزماں دے حق تے مائی ہوراں دے خلاف۔پر ایس فیصلے نوں نہ عوام منیندی ہے تے ناں عالمی پدر تے کوئی منیندا جے۔جنوبی پنجاب دے مامیاں وی در وٹیا ہویا ہے ۔کجھ لنک وی تھلے دے رہے ہاں تے تسی ہن ایہہ اوپرا والی خبر پڑھو۔

پنجاب دے ضلع مظفر گڑھ دے نکے قصبے میروالا وچ 15 سال پہلے اجتماعی زیادتی دا نشانہ بنن والی مائی مختاراں دی زندگی تے امریکی ریاست کیلی فورنیا دے شہر لاس اینجلس وچ اوپرا شو پیش کیتا گیا۔ اوپرا شو دی خاص گل ایہہ سی کہ ایس وچ خود مختاراں مائی وی موجود سی۔ انج تھیٹر ویکھن والے افراد نے پاکستانی پنجاب دی ایس زنانی نوں وی ویکھ لیتا، جس دی زندگی تے ایہہ شو پیش کیتا گیا۔ ایس شو نوں پہلی وار امریکہ وچ 2014 وچ پیش کیتا گیا سی، پر ایس وقت مختاراں مائی شو وچ رلت نہیں کرسکی سی۔ ’تھمب پرنٹ‘ نامی ایس اوپرا نوں کاملا سنکرم تے سوسان ینکووٹز نے تیار کیتا، جس وچ مختاراں مائی دے ساتھ ہون والے وقوعے تے مڑ جھات پاون دا موقعی دتا گیا۔ غیر ملکی خبر رساں ادارے ’اے ایف پی‘ دے مطابق اوپرا شو نوں ویکھن لئی لوکاں دی بہت وڈی تعداد موجود سی، جدوں کہ لوکاں نے مختاراں مائی نال مل کے ایس دے نال ہمدردی تے سانجھ دا اظہار وی کیتا۔ شو دے بعد خبر رساں ادارے نال گل کردے ہوئے مختاراں مائی نے دسیا کہ اوپرا دے سٹارٹ ویکھ کے اوہ مایوس ہوئی، پر جوں جوں شو اگے ودھدا گیا، مینوں چنگا لگدا گیا۔ انہاں نے خود تے اوپرا شو تیار کرن والی خواتین دی مدد نال غیر ملکی خبر رساں ادارے نوں دسیا کہ اوس نوں انصاف نہ ملن دی وجہ توں مایوسی ہوئی سی اتے ایہہ جاپدا سی کہمیوں کدی وی انصاف نہیں ملن والا۔ مختاراں مائی نے پاکستان دے انصافی بندوبست تے تنقیداں کریندے ہوئے دسیا کہ جیہناں لوکاں نے اوس نوں ریپ دا نشانہ بنایا اج وی اوہ آزاد نیں، تے ہن وی انہاں نوں دھمکیاں ملدیاں رہندیاں نیں۔ انہاں نے اپنی جدوجہد توں متعلق گل کردے ہوئے دسیا کہ انہاں دی وجہ توں پِنڈ تے علاقے دی خواتین وچ حوصلہ ودھیا، جدوں کہ انہاں دی فلاحی تنظیم وی علاقے دی خواتین وچ حوصلہ ودھان لئی کام کر رہی ہے۔ چیتے رہے کہ مختاراں مائی نوں 2002 وچ اک پنچائتی فیصلے دے بعد ریپ دا نشانہ بنایا گیا سی۔ انہاں دے نال ریپ کرن والے ملزماں نوں پہلے عدالت نے پھانسی دی سزا سنائی سی، پر اپیل دے بعد انہاں دی سزا ختم کردتی گئی۔ مختاراں مائی دے نال ریپ کرن والے ملزماں نوں بعد چوں رہا کردتا گیا سی، جدوں کہ مختاراں مائی نے 2009 وچ اک پولیس اہلکار نال شادی کرلتی سی۔ ریپ دا نشانہ بنن دے بعد دنیا بھر وچ مختاراں مائی دے حق لئی گل کیتی گئی، تے انہاں نوں ہر تھاں توں حمایت حاصل ہوئی۔
Links to know about Mai and court verdict more
Opera  https://tribune.com.pk/story/1437840/mukhtaran-mai-attends-us-opera-inspired-story/
Apeal denied https://tribune.com.pk/story/153641/mukhtaran-mai-case-5-of-6-accused-acquitted/
Reaction against verdict https://tribune.com.pk/story/154026/mukhtaran-mai-verdict-citizens-enraged-by-supreme-court-let-down/
Dasti against Mai https://tribune.com.pk/story/159188/mukhtaran-mai-and-jamshed-dasti/


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels