Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> پناہ گزین توں ماڈل گرل: اک سوڈانی بالڑی (ویڈیو)

پناہ گزین توں ماڈل گرل: اک سوڈانی بالڑی (ویڈیو)

وچار ڈیسک
June 22nd, 2017

دنیا وچ ایس وقت وی ساڈھے 6 کڑوڑ توں وادھو پناہ گزین یا مہاجر بھیڑے حالاں وچ رہ رہے نیں ۔ پر مصیبت دے مارے انہاں کڑوڑاں لوکاں چوں کوئی خوش نصیب ایسا وی ہوندا ہے، جیہڑا دنیا وچ اوہ مقام حاصل کرلیندا ہے، جس دا ہر پناہ گزین ہمیش سفنہ ویکھدا ہے۔ ایسا ہی مقام جنوبی سوڈان دی اک پناہ گزین سیاہ فام کُڑی نے وی حاصل کیتا، جیہڑی حیاتی دا اوکھا پینڈا کٹن بعدوں ایڈا ساہ سوکھا ہویا جس دا کدی ایس نے سوچیا وی نہیں سی۔ جنوبی سوڈان دی پناہ گزین توں ماڈل بنن والی میری ملیک دی کہانی نوں برطانوی نشریاتی ادارے بی بی سی، وائس میگزین، یاہو نیوز تے ددجے نشریاتی اداریاں نے وی چھاپے چاڑھیا۔ جنوبی سوڈان جیہڑا گھٹ توں گھٹ 4 دہاکیاں تک خانہ جنگی دا شکار رہیا، ایس نے 2011 وچ سوڈان توں آزادی حاصل کیتی۔ سوڈان وچ دوجی خانہ جنگی دے دوران حکومتی وزیر خزانہ دے گھر پیدا ہون والی میری میلک نے ایہہ کدی سوچیا وی نہیں سی کہ اوہ اپنا گھر چھڈ کے دوجیاں دے رحم و کرم تے زندگی گزارے گی۔ میری میلک 1983 وچ ہون والی خانہ جنگی دے دوران پیدا ہوئی۔ انہاں دے والد حکومتی وزیر ہون دی وجہ توں تگڑی مالی پوزیشن وچ سن، اس لئی انہاں نے 4 شادیاں کر رکھیا سن۔ جداں کہ انہاں دے 20 بچے سن۔ میری میلک دی ماں انہاں دے والد دی تیجی بیوی سی، تے انہاں دِیاں دو دِھیاں سن،ا وہ پیشے توں نرس سی۔ کچھ ہی سالاں وچ خانہ جنگی وچ شدت آگئی،۔حملہ آوراں نے انہاں دے گھر تے حملہ کرکے انہاں دے والد نوں اغوا کرلتا، تے ساری ملکیت لٹ لتی۔ بعد چوں انہاں دے والد واپس آئے، پر اس وقت اوہ حکومتی وزیر نہیں سن، تے سب کجھ ختم ہوگیا سی۔ میری میلک دی ماں اپنے شوہر تے دوجیاں توں چوری چھپے دوناں بچیاں نوں لے کے مصر آگئی، جتھے اوہ اک پناہ گزین کیمپ وچ رہن لگی۔ ایس وقت میری میلک دی عمر 6 توں 7 سال سی، تے اوہ کسی مسیحا دے انتظار وچ سن۔ انہاں ہی دناں وچ امریکی، مہاجرین دی مدد لئی انہاں نوں امریکہ وچ رہائش دین دے منصوبے تے کم کر رہے سن۔ چند سال انتظار دے بعد بالاخر میری میلک دے خاندان نوں 1997 وچ اک ایشیائی نژاد امریکی کیتھولک عیسائی ولوں امریکہ وچ رہائش دین دا بندوبست کیتا گیا۔ اوہ پہلے پہل ریاست نیوجرسی وچ منتقل ہوئے، جتھے انہاں نوں اک ایسی عمارت وچ رہائش دتی گئی جتھے منشیات تے جسم فروشی دا کاروبار عروج تے سی۔ میری میلک جدوں 15 سال دی ہوئی تے اوس سکولے جانا شروع کیتا۔اوس بالڑی نوں پہلی نوکری 16 سال دی عمر وچ ملی تے اوہ 18 سال دی عمر وچ ہائی سکول چھڈ کے کالج گئی، جتھے اوس نوں کسی مُنڈے نال محبت ہوگئی۔ میری میلک جدوں 20 سال دی سی، تے اوس اک بچی نوں جنم دتا، تے نال کالج دی تعلیم مکمل کرکے اک دوجی نوکری حاصل کرن وچ وی کامیاب گئی۔ پر مسئلہ ایہہ سی کہ اوس نے بغیر پیو دے بچی نوں جنم دتا سی۔ حالات نوں ویکھ کے میری میلک نے ماں توں نیویارک جاکے قسمت آزمان دی اجازت لتی تے اوہ ہن خاباں دے شہرآ چکی سی، جتھے اک روشن مستقبل ایس دی اڈیک وچ سی۔ اوس بڑی کوششاں بعد مین ہٹن دے اک کلب وچ ڈی جے دی نوکری حاصل کیتی، جتھے اوہ ’ڈی جے سٹیلٹو‘ دے ناں توں پہلی سیاہ فام جنوبی سوڈانی خاتون دی حیثیتاں نالکم کرن لگی، تے ہن تک اوہ اوتھے کم کر رہی ہے۔ ڈی جے دے طور تے کم کرن دے دوران اوس دا متھاسٹیو میسل نامی اک فوٹوگرافر نال پیا، جس اوس دا ماڈل فوٹو شوٹ کیتا، جتھوں میلک لئی ماڈلنگ دے دروجے کھلے۔ میری میلک نے یونیورسٹی آف کولمبیا توں شاعری دی تعلیم وی حاصل کیتی،۔ہن تک اوس دی تصویراں معروف فیشن میگزین ’ووگ‘ تے ’لینون‘ سمیت بہوں رسالیاں وچ چھپ چکیاں نیں۔ میری میلک نے سیاہ فام گلوکار کینیے ویسٹ دے گانیاں سمیت لیڈی گاگا تے دوجے سنگرز دے نال وی پرفارمنس کیتی ہے۔ امریکی میگزین ’وائس‘ نے اپریل 2014 وچ انہاں دی زندگی، جدوجہد تے ماڈل بنن دے سفر دی کہانی شائع کیتی، جیہڑی 130 صفحیاں تے مشتمل سی۔ میری میلک ایس وقت ماڈلنگ دی دنیا وچ اپنا ناں کما چکی ہے ا تے اپنی والدہ، وڈی بھین تے دھی دے نال پرسکون زندگی گزار رہی ہے۔ پر اوس نوں ہر وقت اپنے ملک جنوبی سوڈان دی فکر رہندی ہے۔ حتیٰ کہ ہن جنوبی سوڈان اک الگ تے خودمختار ملک بن گیا ہے، جس نوں اقوام متحدہ دی رکنیت وی دے دتی گئی ہے، پر اوتھوں دے حالات ہن وی وی خانہ جنگی ورگے ہی نیں، جیہڑے میری میلک نوں پریشان کیتے رکھدے نیں۔
Watch video
http://www.bbc.com/news/av/world-us-canada-40332640/how-a-south-sudanese-refugee-became-a-supermodel


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels