Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> شبانہ: دو وار مرن دی کوششاں کیتیاں۔ماں دی ہڈ بیتی وچ انکشاف

شبانہ: دو وار مرن دی کوششاں کیتیاں۔ماں دی ہڈ بیتی وچ انکشاف

وچار ڈیسک
June 20th, 2017

شبانہ اعظمی شروع توں ہی حساس سی کہ اوس اپنا احساس لوکاں دے دکھاں نال سانجھا کیتا اتے وکھری ٹائپ دی فلماں راہیں اک وڈی پدر تے گل نوں چکیا۔اوس دے گوڑے احساساں دے ورتاریاں توں اک دنیا جانوں پر انہاں دی ماں جی دی گل پڑھ کے ایہہ لگیا پئی شبانہ ہوری پہلے دن توں ہی حساس طبیعتاں دی مالک سن۔18ستمبر1950نوں حیدر آباد(دکن) جمن والی شبانہ دے وڈکے عرب توں آون والے سیّد آکھے جاندے نیں۔کوئین میری سکول بمبئی توں پڑھی شبانہ(منی، گھر دا ناں)120توں وادھو ہندی اتے بنگالی فلماں وچ کم کر چکی نیں کہ ہن تسی انہاں بارے اوہ گل پڑھو جہیڑی انہاں دی ماں جی لکھی ہے۔
ممبئی: بالی ووڈ دی مشہور اداکارہ اتے آرٹ فلماں پاروں آپدا ناں اْچا کرن والی شبانہ اعظمی دی والدہ انکشاف کیتا ہے کہ انہاں دی بیٹی نے بچپن وچ 2 وار اپنے آپ نوں جانوں مارن یعنی خودکشی دی کوششاں کیتیاں سن۔ مشہور بھارتی اداکارہ تے نامور شاعر و فلمسار جاوید اختر دی وہٹی شبانہ اعظمی توں کون واقف نہیں کہ انہاں دا سانگا اک مشہور ادبی اتے فلمی گھرانے توں ہے۔ شبانہ دے والد کیفی اعظمی نامورترقی پسند شاعر رہے نیں جداں کہ والدہ شوکت اعظمی خود اک اداکارہ دے طور تے کئی فلماں وچ کم کر چکیاں نیں۔ شبانہ اعظمی دی والدہ شوکت کیفی اپنی ہڈ بیتی لکھی جے۔ایس وچ انہاں انکشاف کیتا ہے کہ انہاں دی دھی رانی نے بچپنے وچ 2 وار خود کشی دی کوشش کیتی۔شوکت اعظمی نے سوانح حیات وچ لکھیا ہے کہ شبانہ نوں لگدا سی کہ میں ایس دے چھوٹے بھائی (بابا) نوں زیادہ پیار کردی ہاں۔ اک دن میں شبانہ نوں آکھیا کہ روٹی بابا نوں دے دواں کیونجے ایس دی سکول وین آجائے گی اتے توں تھوڑا انتظار کرلے کیونکہ تیری وین دیر نال آئے گی۔ جدوں تھوڑی دیر دے بعد میں شبانہ لئی روٹی لے کے پہنچی تے اوہ باتھ روم وچ بیٹھی رو رہی سی۔ میں شبانہ دے آنسو صاف کیتے تے اوہ سکول چلی گئی جتھے شبانہ نے سکول لیبارٹری وچ نیلا تھوتھا کھا لتا، تے اپنی دوست نوں آکھیا کہ میری والدہ میرے چھوٹے بھراء بابا نوں زیادہ پیار کردی ہے۔ شوکت کیفی نے سوانح حیات وچ مزید لکھیا کہ اک دفعہ جدوں میں شبانہ نوں خراب رویہ دی وجہ توں گھر چھڈن دا آکھیا تے شبانہ ریلوے ٹیشن چلی گئی جتھے ایس نے ٹرین دے سامنے آکے خودکشی کرن دی کوشش کیتی۔پر اوتھے موجود چوکیدار نے شبانہ نوں بچالیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels