Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانیاں لئی ’’زن‘‘ ٹی وی۔ افغانستان وچ ’’رناں‘‘ دا پہلا ٹی وی چینل

زنانیاں لئی ’’زن‘‘ ٹی وی۔ افغانستان وچ ’’رناں‘‘ دا پہلا ٹی وی چینل

وچار ڈیسک
June 7th, 2017

زنانیاں لئی اپنا ٹی وی ایس گل ول اشارہ کہ ماردھاڑ دے نال نال افغان معاشرے وچ کجھ ہورتبدیلیاں وی آ رہیاں نیں۔ بھانویں ایس دی رفتار سست جے، پر انہاں دا ذکر وادھو۔ افغانستان وچ زنانیاں دا پہلا ٹیلی ویژن چینل اپنے پروگرام شروع کرن لئی تیار ہے۔ اک ایہو جہے معاشرے وچ جتھے زندگی دے ہر شعبے تے مرد چھائے ہوئے نیں، اپنی نوعیت دا ایہہ اکلا ٹیلی ویژن چینل ہوسی۔ ’ زن ٹی وی‘ دے سارے پروڈیوسر تے اینکر عورتاں توں لتے گئے نیں۔مطلب سلیم صافی دا کوئی چانس نہیں۔ ویسے تے اکثر افغان ٹی وی چینلز تے خواتین نیوز ریڈرز وکھائی دیندیاں نیں، پر ٹیلی ویژن دے سارے عملے دا زنانیاں تے مشتمل ہونا اک وکھری ٹائپ دی گل ہے۔وائس آف امریکہ نے ایس نویں چینل بارے خبر دتی ہے۔ زن ٹی وی دی اک 20 سالہ پروڈیوسر خطیرہ احمدی نے خبررساں ادارے روئیٹرز نال گفتگو کردے ہوئے آکھیا کہ مینوں ایس ٹیلی ویژن دے بنن تے بہوں خشی ہوئی ہے کیونکہ ساڈے معاشرے وچ بہوں ساریاں زنانیاں نوںآپدے حقاں دا علم نہیں ہے۔ افغان حکومت تے غیرملکی امدادی گروپاں والے اکثر اوقات افغانستان وچ عورتاں دے حقاں، انہاں دی تعلیم تے میڈیا دی آزادی نوں اک چنگے بوتھے وانگ پیش کردے نیں۔ انہاں دا آکھنا ہے کہ 2001 وچ طالبان حکومت دا تختہ الٹ جان دے بعد توں ایہہ اک وڈی کامیابی ہے۔مطلب سولہ سالاں وچ ایہو تیر چل سکیا جے۔
پر انہاں دعویاں دے باوجود افغانستان ،اج وی عورتاں لئی دنیا دے مشکل ترین ملکاں چوں اک ہے۔ جنگ زدہ تے غربت دے مارے ایس ملک وچ عورتاں لئی عام زندگی وچ اگے ودھن دے موقعے بہوں گھٹ نیں۔زن ٹی وی ملک وچ تقریباً 40 دے قریب پہلے توں موجود ٹیلی ویژن چینلاں وچ اک نواں اضافہ ہو سی اتے ایس دی کامیابی دی کوئی ضمانت نہیں ہے۔زن ٹی وی دے بانی حامد ثمر دا آکھنا ہے کہ انہاں نے کابل وچ ایہہ چینل ایس لئی قائم کیتا ہے کیونجے ایتھے پڑھیاں لکھیاں زنانیاں دی اک وڈی گنتری خبراں تے بحثاں راہیں اپنے تجربیاں نوں دوجی زنانیاں تے مٹیاراں تک پہنچانا چاہندیاں نیں۔ویسے چینل کھولن والی وی زنانی ہوندی تے چوکھا تڑکہ لگنا سی۔ ایہہ چینل گھٹ لاگت دی ڈیجیٹل ٹیکنالوجی تے انحصار کررہیا ہے تے ایس دا اسٹوڈیو کابل وچ ہے۔ زن ٹی وی اپنی توجہ زیادہ تر ٹاک شوز، صحت تے موسیقی تیک رکھنا چاہندا ہے۔ عملے وچ شامل کئی عورتاں دا آکھنا ہے کہ انہاں نے خاندان دی مخالفتاں تے بعض وڈکیاں دی دھمکیاں دی پروا نہ کردے ہوئے ایس شعبے وچ اگے آن دا فیصلہ کیتا کیونجے ایس توں دوجیاں زنانیاں نوں وادھو حوصلے لبھن گے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels