Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> طیبہ تشدد کیس۔ہن نواں بنچ۔جج یا وکیل ملزم ہوئے تے انصاف لمک جاندا ہے؟

طیبہ تشدد کیس۔ہن نواں بنچ۔جج یا وکیل ملزم ہوئے تے انصاف لمک جاندا ہے؟

وچار ڈیسک
June 4th, 2017

طیبہ تشدد کیس اکلا نہیں سگوں لہور دی خدیجہ تے حملہ کرن والا وی اک سینئیر وکیل دا پتر ہے کہ کیہہ ایس دن لئی وکیلاں دی لہر دا لوکاں ساتھ دتا سی۔ ایہہ کہیڑا بیانیہ چلایا جا رہیا ہے؟موٹر وے تے ایک سجادہ نشین تے اک جج ہوراں دا ٹاکرا ہویا تے ملزماں دا ریمانڈ وی24گھنٹیاں وچ ہو گیا۔ جے بار تے بنچ ایس بارے نہیں سوچے گا اتے ہر کوئی اپنے اپنے ’’گڈ طالبان‘‘ نوں بچائے گا تے لوک کیہہ سوچن گے؟ اسلام آباد ہائی کورٹ کیوں ٹرائل کورٹ بننا چاہندا ہے؟منجھی تھلے ڈانگ پھیرنا پہلا کم ہے ۔وکیلاں دی جتھے بندیاں وی ایستے در وٹی بیٹھیاں نیں۔خبراں پاروں ہن چیف جسٹس اسلام آباد ہائی کورٹ نے طیبہ تشدد کیس دی سماعت دا ٹرائل کرن گے۔ ایس توں پہلے ملزم دے اعتراض تے جسٹس محسن اختر کیانی نے کیس سنن توں معذرتاں کرلتیان سن۔کیہہ ایس بارے پہلاں نہیں پتہ سی؟ہن طیبہ تشدد کیس دا ٹرائل ضلع کچہری دی بجائے اسلام آباد ہائی کورٹ وچ کیتا جارہیا ہے۔بالڑی ملازمہ طیبہ نوں اسلام آباد وچ اک ایڈیشنل جج دے گھر وچ تشدد دا نشانہ بنایا گیا سی۔ ایس توں پہلے سپریم کورٹ نے اسلام آباد دے ایڈیشنل سیشن جج دی اہلیہ دے ہتھوں تشدد دا شکار ہون والی معصوم بچی طیبہ نوں تاحکم ثانی ایس او ایس ویلج وچ رکھن دا حکم دتا ہے۔ عدالت عظمیٰ نے بچیاں دے تحفظ ددے متعلق قنوناں دے حوالے توں سول سوسائٹی دے اراکین توں اک ماہ وچ سفارشاں طلب کرلتیاں نیں۔بچی نوں عدالتاں وچ پیش نہ کرن دی بجائے ایہہ خبر آئی ہے کہ جج ہوراں دی ملزمہ بیگم نوں عدالت آون توں رعائیتاں مل رہیاں نیں۔پرویز مشرف نوں کڈہن تے زیادہ تنقید فوج دے محکمے تے ہوئی سی تے جے جج یاوکیل دے ملزم ہون تے کیس لمکے گا تے تنقید عدلیہ تے ہی ہوئے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels