Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانیاں بارے گھٹیا جملے بازیاں۔شاہ فرمان پھس گیا، معافی منگ لتی

زنانیاں بارے گھٹیا جملے بازیاں۔شاہ فرمان پھس گیا، معافی منگ لتی

وچار ڈیسک
May 3rd, 2017

اسمبلیاں وچ زنانیاں دا بیٹھنا بندیاں نوں گھلدا ہے کہ مردانہ ذہنیتاں تے فرق آندا ہے۔جے ساریاں زنانیاں ایس مسلے تے اک ہو جان تے پارٹی پوزیشن دی اجہے مسلیاں تے پروا نہ کرن تاں انہاں نوں بہوں سارے مرد ممبراں دی وی حمائیتاں ملن گیاں۔کسے اک پارٹی دا مسئلہ نہیں سگوں سب وچ اجہی ذہنیتاں والے موجود نیں۔انتخابی اصلاحواں وچ اوہ اجہی شقاں رلتی کروان اتے پارٹیاں تے ایہہ پریشر پانکہ اوہ زنانیاں نوں عام چوناں وچ ٹکٹاں دین۔پی ٹی آئی دے صوبائی لیڈرشاہ فرمان جداں گاندھی چولا پا کے پی پی پی دی نگہت اورکزئی نوں وکھرے ملن بارے ذومعنی جملے بولے تاں گھپ پینی ہی سی۔
پاکستان تحریکِ انصاف دے سربراہ عمران خان دا آکھنا ہے کہ کسی وی قنون ساز دا کسی زنانی دے بارے وچ نازیبہ الفاظ دا استعمال کرنا قبول نہیں۔ جے اینج دوبارہ ہویا تے ایس طراں دے قنون ساز دے خلاف کاروائی کیتی جائے گی۔ مطلب اوہ اک وار فیر اجہیا کم ہون دی گنجائش دے رہے نیں۔عمران خان دا آکھنا سی کہ اینج کرنا ساڈے مذہب تے ساڈی ثقافت دوناں دے خلاف ہے۔ ایہہ گل عمران خان نے منگل دے روز اک ٹوئیٹ وچ آکھی۔ یاد رہے کہ منگل دے روز خیبر پی کے اسمبلی دے اجلاس دے دوران پاکستان تحریکِ انصاف دے رکن تے پبلک ہیلتھ انجینئرنگ دے وزیر شاہ فرمان نے پاکستان پیپلز پارٹی دی رکن صوبائی اسمبلی نگہت اورکزئی خلاف مبینہ طور تے نازیبا الفاظ آکھے سن۔ خیال رہے کہ نگہت اورکزئی صوبے دے مختلف اضلاع وچ ترقیاتی بجٹ دی تقسیم دے حوالے نال مبینہ بے ضابطگیاں تے احتجاج کررہی سی۔ ایس موقع تے پی ٹی آئی دے شاہ فرمان نے موقف اختیار کیتا کہ نگہت اورکزئی نوں غلط معلومات فراہم کیتا گئیاں سن۔ تے اوہ انہاں توں علیحدگی وچ ملے تاکہ اوہ درست معلومات فراہم کرسکیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels