Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> اسرائیل وچ پہلی زنانی جج، اوہ وی مسلمان، ہانا خطیب:کیہہ اسرائیل بدل رہیا ہے؟

اسرائیل وچ پہلی زنانی جج، اوہ وی مسلمان، ہانا خطیب:کیہہ اسرائیل بدل رہیا ہے؟

وچار ڈیسک
April 26th, 2017

یہودیاں وچ کڈا علم تے ساینس ہے پر زنانی جج دا تصور نہیں۔یروشلم پوسٹ والیاں دا آکھنا ہے پئی ایس خطہ وچ جڈے دھرم وسدے نیں انہاں لئی ’’پرسنل لاز‘‘ عثمانی پادشاہواں دے دور توں لگے ہوئے نیں اتے اسرائیل بنن بعد ایہہ جاری رہے اتے اج وی نیں۔مسلم شریعہ عدالت ہر سال36ہزار مقدمے سندی ہے۔خطیب نوں جج بناون لئی اک سیکولر یہودی زنانی ایلیت سیکید ہوراں بہوں کم کیتا ۔ایلیت ہوری پچھلے دو سالاں توں وزیر انصاف ہے اتے اپنے وکھرے خیا لاں پاروں مشہور وی۔ایس خبر پاروں تہانوں اسرائیل بارے اوہ گلاں پتہ چلن گیاں جنہاں نوں ساڈے میڈیا والے لکاندے رہندے نیں۔

اسرائیل نے شرعی عدالتی نظام دے تحت تریخ وچ پہلی وار اک مسلم زنانی نوں جج بنا دتا ۔ اے ایف پی پاروں شمالی قصبے تیمرا توں تعلق رکھن والی اک قنون دان ہانا خطیب تِن مرداں دے نال جسٹس کمیٹی وچ رلتی ہے پئی ایہہ کمیٹی اسرائیل وچ مسلماناں دے عائلی قنوناں پاروں کم کردی ہے۔ خبراں موجب جیوش ہوم پارٹی اکلی سیکولر ممبر تے وزیر انصاف ایلیت شیکیددی کوششاں توں ایہہ ہویا ہے۔ اسرائیل وچ کسے خاتون دے ججبننتے آکھیا گیا ہے کہ بہت پہلے ایہہ ہونا چاہیدا سی۔ہانا خطیب دا آکھنا سی کہ ایہہ عرب خواتین تے عرب معاشرے لئی وڈی خبر ہے۔ انہاں دا آکھنا سی کہ میں ایس چون تے پرجوش ہاں تے امید ہے کہ ایس توں ہور زنانیاں دی راہ سدھی ہوئے گی۔ عرب خاتون قنون دان عائدہ توما سلیمان دا آکھنا سی کہ ہانا خطیب دا جج لگنا ’تریخی فیصلہ‘ ہے جیہڑا لمیری قنونی جنگ دا نتیجہ ہے تے ایس توں اسرائیل وچ موجود تمام عرباں نوں فائدہ ہوئے گا۔
یاد رہے کہ اسرائیل وچ عائلی قوانین طلاق، شادی تے نان نفقہ دے مسائل شرعی عدالتاں(پرسنل لاز) دے زمرے وچ آندے نیں تے مختلف گروہاں سنے یہودیاں لئی وکھرا وکھرا بندوبست بنایا ہویا ہے۔ ہانا خطیب نہ صرف شرعی عدالت دی پہلی خاتون جج ہے بلکہ اسرائیل دی تریخ وچ کسی وی عدالت وچ بنن والی پہلی خاتون جج جے۔حیران نہ ہونا، ایس توں پہلاں کسی عورت نے یاسرائیل دی عدالت وچ جج دی ذمہ واریاں ادا نہیں کیتیاں۔پاکستانی تے انہاں توں بہوں چنگے نیں پر پروپیگنڈا الٹ جے۔ہانا خطیب چند ہفتیاں وچ اسرائیلی صدر ریووین ریویلین توں حکف چکے گی۔ چیتے رہے، اسرائیل وچ شرعی عدالتاں دی تعداد 9 ہے جد اں کہ اک اپیل کورٹ وی ہے تے خاتون مسلمان جج دے اصافے نال اسرائیلی نظام وچ مسلمان ججاں دی تعداد 18 ہوگئی ہے۔
خبر وچ جج یا قاضی بنن دا طریقہ وی پروشلم پوسٹ والیاں لکھیا ہے کہ پوسٹ انہاں نوں مل سکدی ہے جنہاں یا تے چھ سال شریعہ وکیل دی حیثیتاں وچ پریکٹس کیتی ہوئے یا فیراسرائیلی یا باہر دی کسے یونیورسٹی وچ چھ سال شریعہ لاز پڑھے ہون۔اوس بندے دا آپ شریعہ تے عمل کرنا وی اک شرط ہے۔ایس توں بعدوں اوہ شریعہ لاز دا امتحان دیندا ہے اتے ایس بعدوں اوہ اک 9رکنی کمیٹی اگے پیش ہوندا ہے جوسول کورٹس دے ججاں یا قاضیاں دی چون کردی ہے۔ایس جسٹس کمیٹی دا ہیڈ وزیر انصاف ہوندا ہے اتے ایس وچ دو مسلمان ججاں دا ہونا لازمی ہے۔دو ممبر اسرائیل دی بار ایسوسی ایشن دے ہوندے نیں اتے انہاں دوناں دا مسلمان ہونا وی لازم۔یروشلم پوسٹ دا لنک وی دے رہے ہاں تانجے سند رہے۔
http://www.jpost.com/Israel-News/Politics-And-Diplomacy/Israeli-Sharia-Courts-to-appoint-first-ever-female-judge-488892


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels