Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> 12 سالہ گل ناز نوں ماں گلا دبا کے مار چھڈیا، ہر کوئی ریاست توں وڈا؟پلس مشکوک کردار

12 سالہ گل ناز نوں ماں گلا دبا کے مار چھڈیا، ہر کوئی ریاست توں وڈا؟پلس مشکوک کردار

وچار ڈیسک
April 23rd, 2017

خیبر پختونخوا:جس ملک وچ قنون نال کھلواڑ کرن وچ ریاستی قنون دے راکھے پیش پیش ہون اتے مشرف توں طیبہ تشدد کیساں تیک اک بھنڈار ہوئے اتھے مذہب تے رسم ریتاں دی آڑاں وچ صوفی مشال کیس تے ہن گل ناز قتل بارے کیہہ گل کریے۔پر اساں تے ایہو آکھنا ہے پئی خیبر پی کے دی پلس ’’سونا‘‘ ہو چکی۔زمینی حقائق، پر ایس سب دے خلاف۔ ایہہ ساڈا بوتھا ہے کہ جس نوں فیر وی یقین نہ آئے اوہ اک وار کسے وی نکی کچہری چلا جائے تے قنون دا ورتارا آپ ویکھ لے۔خیبر پختونخوا دے ضلع شانگلہ توں خبر آئی ہے کہ ماں اپنی دھی نوں گلہ دبا کے مار چھڈیا۔ مارن والی دا آکھنا ہے کہ مینوں میرے خصم تے بھڑویے ایسا کرن نوں آکھیا سی۔ سوال ایہہ ہے کہ 12 سالہ گل ناز نوں کیوں ماریا گیا ایس بارے کوئی ثبوت نہیں۔ گل ناز دی ماں نصیب رنرہ پہلے تے پلس وچ شکایت کیتی پئی میرے خصم نور محمد تے بھڑویے شیر محمد ہوراں میری دھی نوں مار چھڈیا ہے۔ پر پلس اوسے نوں شک وچ پھڑیچ لتا۔ ایہہ گلاں ڈپٹی سپریڈنٹ پلس الپوری محمد ریاض خاں نیوز کانفرنس وچ دسیاں۔ ہن پلس دا آکھنا ہے پئی ماں آپ دھی نوں ماریا سی اتے اوہ من وی گئی ہے۔مشال خان کیس وانگ، ملزم پلس اگے من جاندے نیں تے جج اگیے جا کے مکر جاندے نیں کہ ایہہ سب اک کھیڈ۔ ماں دا آکھنا ہے پئی اوس دی دھی نے مہینہ پہلے پلس وچ اک شکایت جمع کروائی سی جس وچ اوس اپنے پیو تے تشدد کرن اتے وال کٹن جہے الزام لائے سن۔ سیکشن 107 پاروں پیو خلاف کیس بنایا گیا اتے اوس نوں پھڑیچیا گیا سی۔ ذرا ایس کہانی تے تساں آپ غور کرو، پلس تے اجہیا کیس ہی رجسٹرڈ نہیں کر دی پاکستان وچ، ایس وچ کیہڑے ہور کردار رلتی سن؟ میڈیا وی چپ۔ فیر نور محمد ضمانت تے رہا ہوگیا۔ ضمانت کس دتی، کیوں دتی، ایس بارے تے کسے نوں پتہ نہیں۔ البتہ ایہہ ضرور پتہ ہے کہ نور محمد ضمانت تے رہا ہون بعدوں درہ آدم خیل چلاگیا سی۔ انہاں آپ کڑی نوں ماریا یا ماں نوں دھمکی دے کے ایہہ کم کروایا ہے ایس بارے کھوج دی لوڑ ہے۔ پلس گل ناز قتل کیس سیکشن 302 تے 109 پاروں تناں دے خلاف بنا دتا ہے۔ نور محمد نوں وی پھڑیچ لتا ہے۔ زیادہ امید ہے پئی ماں اتے قتل دا الزام لواکے اخیر سب رہا ہو جاون گے۔جیہڑا جیہڑا نیڑے توں ایس کیس نوں ویکھ رہیا ہوسی اوہ جان جا سی پئی ایتھے قنون ایہو کجھ کر دا ہے۔ذاتی مفاداں پاروں قنون نوں ہتھ وچ لین وچ سب اگے اگے کہ بالڑی گل ناز مر گئی اتے ریاست اندروں ترٹ رہی ہے، طیبہ، مشال تے ہن گل ناز ایس دی چند مثالاں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels