Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> خواتین خلاف ریماکس: خورشید شاہ معافی منگ لین۔ آصفہ بھٹو

خواتین خلاف ریماکس: خورشید شاہ معافی منگ لین۔ آصفہ بھٹو

وچار ڈیسک
April 13th, 2017

قومی اسمبلی وچ لیڈر آف اپوزیشن خورشید شاہ تقریر کررہے سن تے سپیکر قومی اسمبلی کجھ زنانی اسمبلی ممبراں نوں چُپ کرن یا ایوان توں باہر جاکے گلاں کرن دا آکھیا۔ سپیکر دا ایہو کم ہے۔ پر ایس موقعہ تے خورشید شاہ بول اٹھے، ’’سپیکر جی،زنانیاں نوں بولن دیو ورنہ ایہہ بمار ہوجان گیاں‘‘۔
ایس تے سپیکر اسمبلی نے لیڈر آف اپوزیشن نوں آکھیا پئی تہاڈے ایہہ جملے ٹھیک نہیں اتے ایس نال اسمبلی دا وقار گھٹیا ہے۔ ایس وقوعہ بارے جداں شہید بے نظیر بھٹو دی دھی آصفہ بھٹو نوں پتہ چلیا تاں انہاں اپنے ہی لیڈر دے بیان بارے تنقیدی ٹوئیٹ کردتی۔ آصفہ لکھیا کہ اجہے جملے برداشت نہیں کیتے جاسکدے۔ خورشید شاہ جی معافی منگ لین۔ پی پی دی اسمبلی رکن اتے قائم علی شاہ دی دھی نفیسہ شاہ ایس موقع تے بڑی ہشیاری نال خورشید شاہ دی حمائیت کرچھڈی۔ انہاں آکھیا اصل قصور سپیکر دا ہے کہ جداں کھپ سارے پارہے سن تے سپیکر نری خواتین نوں کیوں آکھیا۔ پر نفیسہ شاہ بھل گیاں کہ سپیکر جے غلطی کیتی وی سی فیر وی خورشید شاہ دا بیان عورتاں بارے غلط ریمارکس دے زمرے ہی آندا رہے گا۔ غلطی نوں مننا کوئی بھیڑی گل نہیں اتے آصفہ بھٹو اپنے سینئر پارٹی رہنما بارے بڑی جراتاں نال گل کردتی۔ ایس توں پہلاں وی بے نظیر بھٹو دی دھیاں نے اک بدنام زمانہ سیاستدان دے پی پی پی وچ رلتی ہون خلاف وی آواز چکی سی۔ اک جمہوری پارٹی وچ اجہی گلاں ہونیاں اک چنگا کم ہے۔ ایس توں ایہہ پتہ وی چلدا ہے کہ پارٹی دے اندر وی جمہوریت چلدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels