Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> کوئٹہ وچ جرنلسٹ زنانیاں دا گھاٹا

کوئٹہ وچ جرنلسٹ زنانیاں دا گھاٹا

وچار ڈیسک
April 2nd, 2017

1970 وچ صوبہ بنن والے بلوچستان دے سب توں وڈے شہراتے دارالحکومت کوئٹہ وچ زنانی جرنلسٹاں دے گھاٹیاں بارے میڈیا وچ گل چھوئی گئی ہے۔صوبہ بنن بعدوں ادارے بناون دی تھاں اجہی لڑائیاں چھیڑیاں گیاں جس دا ہلے ویلہ نہیں آیا سی۔ایس دا اثر اج وی بلوچستان تے وادھو۔ ایہہ لکھت نری زنانیاں دی رلت حوالے نال ہی ہے۔صحافت دا مضمون پڑھن والی زنانیاں تے بلوچستان وچ اج وادھو نیں پر اخباراں، چینلاں وچ کم کرن والی صحافی خواتین بہوں گھٹ نیں۔ لگدا ہے 1981 بعدوں جس تیزی نال ایس شہر تے افغان مہاجراں دا قبضہ ہویا ہے اوس دے رزلٹ وچ شہر دے لبرل ماحول نوں سخت دھچکہ لگیا ہے۔ ایہونہیں سگوں زنانیاں بارے اکثر منفی رپورٹنگ وی مقامی میڈیا وچ ہوندی ہے۔ قبائلی کلچر نوں وڈھایا جاندا ہے۔ جداں فیلڈ وچ زنانیاں گھٹ ہون گیاں تاں انہاں بارے رپورٹنگ وی ماٹھی ہی ہوئے گی۔ ڈی جی پی آر دے مطابق بلوچستان وچ 25نیوز چینل تے 171ڈیلی اخبار رجسٹرڈ نیں۔ کوئٹہ دے اک صحافی حفیظ اللہ شیرانی دا آکھنا ہے پئی کوئٹہ وچ نیوز چینلاں نال نری ترے زنانیاں بطور رپورٹر کم کردیاں نیں تے اخباراں وچ تے اک وی زنانی رپورٹر نہیں۔
انہاں تنوں لیڈی رپورٹراں وچوں نہ کوئی پٹھان ہے اتے نہ کوئی بلوچ۔ میڈیا وچ زنانیاں بارے نری کڑاہی سلائی دی خبراں لگدیاں نیں۔ جویریا ملک اک چینل دی زنانی رپورٹر ہے اتے اوس دا آکھنا ہے کوئٹہ وچ زنانیاں نوں کم دی آزادی دا ماحول نہیں ملدا۔ قبائلی کلچر دی آڑ لے کے زنانیاں تے پابندیاں لائیاں جاندیاں نیں۔ گھریلو تشدد بارے خبراں نہیں چلائیاں جاندیاں نہ ہی اخباراں وچ چھپدیاں نیں۔ چینلاں والے دباو دا شکار رہندے نیں۔ کوئٹہ وچ رہن والے پڑھے لکھے اتے ان پڑھ، سب عورتاں بارے خبراں نہ چلاون تے متفق نظر آندے نیں۔ زنانی جرنلسٹاں نوں وی زنانیاں بارے خبراں چلاون توں روکیا جاندا ہے۔ اسلام آباد، کراچی، لہور وچ تے بہوں ساری زنانیاں کم کردیاں نیں پر کوئٹہ وچ ماحول اینج دا کیوں بنایا ہویا ہے؟ بلوچستان یونیورسٹی وچ میڈیا تے جرنلزم ڈیپارٹمنٹ دے سابق ہیڈ تے پروفیسر یوسف مسیح دسیا پئی ایتھوں ہر سال 100طالب علم جرنلزم پڑھ کے نکلدے نیں انہاں وچ 10توں 12کڑیاں ہوندیاں نیں۔
1987توں ایہہ ڈیپارٹمنٹ کم کررہیا ہے۔ اج تیک 310 کڑیاں ایتھوں جرنلزم دی تعلیم حاصل کرچکی نیں۔ یوسف ہوری سردار بہادر خان ویمن یونیورسٹی وچ وی پڑھاندے نیں اتے اوتھے وی ہرسال کڑیاں جرنلزم پڑھدیاں نیں۔ شہلا نے بلوچستان یونیورسٹی توں ایم اے جرنلزم کیتا ہے پر اوہ کسے اخبار یا چینل لئی کم نہیں کردی۔ اوس دا آکھنا ہے ساڈے معاشرے وچ زنانیاں دا جرنلزم وچ نوکری کرنا بھیڑا سمجھیا جاندا ہے۔ تاں مارے شہلا اک این جی او نال جڑی ہے۔ بہوں سارے والدین ایہہ سمجھدے نیں کہ میڈیا راہیں انہاں دی بہناں تے دھیاں یکدم مشہور ہوجاندیاں نیں جیہڑی بہوں کوڑ گل ہے۔ ایہہ معلومات حبیب اللہ خان رپورٹ کیتیاں نیں جنہاں دا مضمون ٹریبیون، پاکستان چھاپیا سی۔حیران نہ ہونا، بلوچستان دے ترقی پسند وقوم پرستاں وچ وی زنانیاں دی رلت دے حوالے نال رواجی گھاٹے ہی نیں اتے زنان خانے نوں وکھرا رکھن تے حسین اتفاق جے۔ ایہہ اوہ گھاٹا جس بار بہوں گھٹ گل ہوندی ہے اتے نیپ دی سیاستاں توں ایس بات خموشی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels