Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> بالڑی کھیڈاں وچ پاکستان دا شملہ اوچا کردتا۔نورینہ شمس بارے جانو تے ویکھو(ویڈیوز)

بالڑی کھیڈاں وچ پاکستان دا شملہ اوچا کردتا۔نورینہ شمس بارے جانو تے ویکھو(ویڈیوز)

وچار ڈیسک
April 1st, 2017

ْْْْْْْخیبر پی کے وچ اپنیاں دھیاں دا ناں’’نورینہ‘‘اوہ پٹھان رکھدے نیں جیہڑے اپنے خاندان وچ ہن منڈے جمن دی امیداں رکھدے نیں۔ایہہ اعلان ہوندا ہے پیہ سانوں ہور کڑی نہیں چاہیدی۔ ہورے پورے ملک وچ اجہی ’’اینٹی ویمن‘‘ ریت دی مثال نہ ہوئے۔پر نورینہ شمس ایس قبائلی ریت نوں الٹا دتا اتے اج خیبر پی کے ہی نہیں سگوں پورے پاکستان دے ماپے ’’نورینہ‘‘ جمنا چاہندے نیں۔اوہ جداں 15 سال دی سی تے اوس منڈے دا روپ وٹایا اتے کرکٹ کھیڈان پہنچ گئی۔ اس نوں پتہ سی پئی خیبر پی کے وچ کڑیاں دے کرکٹ کھیڈن نوں پسند نہیں کیتا جاندا۔ اوس نوں کھیڈاں وچ رلن دا شوق انت دا سی اتے اوس ترے سال سکوائش وی کھیڈی۔کرکٹ وانگ ایہہ ’’آوٹ ڈور‘‘ گیم نہیں سی، تاں مخالفت گھٹ ہوئی۔ 2015 وچ اوہ ایشیا دے 40 جونیر کھڈاریاں وچ رلتی ہوچکی سی۔ سونے دے 63، چاندی دے 24 تے تانبے دے 5 تمغے جتن والی ایہہ بالڑی 2008 دے سال سائیکلنگ جونیر اولمپکس وچ سب توں گھٹ عمرے چاندی دا تمغہ جتن والی پہلی جنوبی ایشیائی کھڈاری بنی۔ ’’مینوں جاپدا ہے میرے اندر بہوں توانائی ہے اتے میں ایس دا مثبت ورتارا چاہندی ہاں۔ بس تاں مارے میں کھیڈاں وچ رلتی ہوئی‘‘۔کھڈاری سیاستدان جے پچھلے چار ورہیاں وچ ایہو کم کیتا ہوندا تے کے پی دی یوتھ انتہاپسندیاں دی تھاں ہر قسم دی سپورٹس وچ اگے ہوندی۔
وزارت تعلیم نے 2011-12 وچ شمس نوں بہترین مقرر دا انعام دتا سی۔ اوس آکھیا کہ پہلاں پہلاں پیسے دا مسئلہ آڑے آنداسی۔ میں اکثر ریکٹ تے جتے منگ کے ورتدی ساں۔ فیر ہن میں آپ سب کجھ خرید سکدی ہاں۔ پر جداں میرے کول کھاون لئی پیسے گھٹ ہوندے سن تے میں بہتا پانی پیندی ساں۔ شمس دا آکھنا ہے پاکستانی کڑیاں تے بالڑیاں بہوں اگے جاسکدیاں نیں کیونجے انہاں وچ بہوں ہمتاں نیں۔ مسئلہ سوسائٹی دے پریشر دا نہیں سگوں انہاں ’’بھوتاں‘‘ دا ہے جیہڑے بالڑیاں دے اپنے ذہناں وچ بسیرا کری بیٹھے نیں۔ اپنے عزم تے ہمت نال بالڑیاں انہاں وسوسیاں نوں بھن سکدیاں نیں۔ 10 مارچ نوں شمس نوں اقوام متحدہ سدیا گیا اتے لوئر دیر دی ایہہ زنانی نوجواناں لئی ہون والے اک پروگرام وچ تقریر کرن گئی۔ سٹیٹس آف ویمن اقوام متحدہ دی اک باڈی ہے اتے ایہ صنفی برابری تے زنانیاں دے حقاں دے حوالے نال ہر سال دوہفتیاں دی ورکشاپ کریندی ہے۔ ایس وچ اقوام متحدہ دے ملکاں دے نمیندے وی رلت کردے نیں۔ ایس سال ملالہ فنڈ دی مدد نال ’’بدلی دنیا وچ زنانیاں دا کم کرنا اتے زنانیاں دی معاشی خودمختاریاں‘‘ دے سیشن وچ شمس تقریر کیتی۔ اوہ اج کل پشور رہندی ہے اتے پاکستانی بالڑیاں لئی روشن مثال۔
Watch Norena and understand its strengths
https://www.youtube.com/watch?v=_-MYb_WXDnA
Another clip of Norena
https://youtu.be/movY0PIcilA


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels