Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> اک منڈے مینوں جان بجھ کے ٹچ کیتا تے میں پلٹ کے دے ریپٹا ماریا۔ایکٹریس پنکھوری

اک منڈے مینوں جان بجھ کے ٹچ کیتا تے میں پلٹ کے دے ریپٹا ماریا۔ایکٹریس پنکھوری

وچار ڈیسک
March 19th, 2017

بھارت:جے کوئی منڈا کڑیاں نوں بھیڑے طریقیاں نال ٹچ کرے تاں کڑیاں اوس نوں لپڑ مارن یا گالاں کڈہن۔چپ رہن نال انہاں نوں ہور ہشیاری ملدی ہے اتے اوہ شیر ہو جاندے نیں۔اک دیہاڑ میں بنگلور وچ پھر رہی ساں تے میں سکرٹ پائی ہوئی سی۔ پچھوں آندے اک منڈے نے بھیڑے طریقے نال مینوں ٹچ کیتا تے میں اک دم مڑی تے اوس نوں لپڑ دے ماریا۔
پنکھوری نویں ایکٹریس ہے اتے اوہ زنانیاں تے کڑیاں نوں آکھدی ہے پئی بھارتی شہراں وچ تہانوں اپنی حفاظتاں آپ کرنیاں ہون گیاں کیونجے ایہہ شہر زنانیاں لئی محفوظ نہیں۔دلی،نویدا،چندی گڑھ تے بنگلور تے میں ایہو کجھ ویکھیا ہے ۔جداں میں کالج پڑھدی ساں تے میٹروتے آندی جاندی ساں اتے میرے نال اجہے وقوعے ہوندے سن پر میں برداشت کر لیندی ساں۔اوس ویلے پوری سمجھ وی نہیں ہوندی اتے فیر ساڈے تعلیمی اداریاں وچ اجہی صورتحال نال نبڑن باے تربیتاں وی دتیاں نہیں جاندیاں پر اج مینوں جنسی طور تے ہراساں کرن بارے پوری خبر ہے۔ہن میں چپ نہیں رہندی۔اج کل پنکھوری اک نویں ڈرامے وچ آرہی ہے جہیڑا ترکی ٹی وی دے مشہورڈرامے ’’فاطمہ گل‘‘ دا بھارتی روپ ہے۔ اوہ اوس وچ ایسی کڑی دا کردارادا کررہی ہے جس نوں ریپ کر دتا گیا سی۔ایس ڈرامے دا بھارتی ناں’’کیا قصور ہے آملہ کا‘‘ ہے۔اوس آکھیا میں اپنی ایکٹنگ نال باد رکھی جاون دی شوقین ہاں نہ کے اپنی اکھاں پاروں۔اوس دسیا پئی رات نوں اکلی زنانی دا بھارتی شہراں وچ پھرنا بہوں اوکھا ہے۔پر اج مینوں کیونجے جنسی طور تے ہراساں کرن بارے پوری خبر ہے تے میں زیادہ جیداری نال ایس دا سامنا کر سکدی ہاں۔اوس دا نواں ڈرامہ اپریل دی تن تریخ توں آن ائیر ہو سی۔خبر پڑھ کے لگدا ہے پاکستان تے بھارت وچ اکو مائنڈ سیٹ موجود ہے۔پر ہن ایتھے وی کڑیاں برداشت کرن دی تھاں جواب دیندیاں نیں۔پچھلے دناں دو پاکستانی ٹی وی اینکراں اک مثال وی بنائی سی پر مشرقی تقدیساں دے وڈکیاں مک مکا کروا دتا۔پر آکھدے نیں کمانوں نکلیا تیر واپس نہیں ہوندا سگوں تریخ مک مکا کروان والیاں نوں وی چیتے رکھے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels