Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> اک ہور بچی تے گھریلو تشدد۔ظالم پھڑیچے گئے۔طیبہ کیس تے عدالت’’ دروٹ‘‘ لتا؟

اک ہور بچی تے گھریلو تشدد۔ظالم پھڑیچے گئے۔طیبہ کیس تے عدالت’’ دروٹ‘‘ لتا؟

March 19th, 2017

اسلام آباد ہائی کورٹ دی پھرتیاں طیبہ تشدد کیس وچ کنج ماٹھیاں پیاں ایس نال پتہ چلدا ہے پئی جے ملزم جج یا اوس دا خاندان ہوئے تاں انصاف ہی چپ نہیں ہوندا سگوں میڈیا وی دروٹ لیندا ہے۔اسلام آباد ہائی کورٹ دے چیف جسٹس نوں خیال نہیں آیا پئی انہاں دے اک جج ہوراں نیں ایہہ فیصلہ ہی محفوظ کر لتا جس وچ ایہہ طے کرنا سی پئی طیبہ تشدد کیس نوں کس عدالت سننا ہے۔ایس نال گھریلو تشدد کرن والیاں نوں حوصلے ملدے نیں۔اج میڈیا وچ اسلام آباد توں ہی اک ہور کیس سامنے آیا ہے۔کیونجے ملزمان بار تے بینچ توں نہیں تاں مارے امیداں نیں پئی ایس دا فیصلہ ہو جا سی۔تازے کیس وچ اک ماں تے پتر ملزم نیں اتے گولڑہ پلس انہاں نوں پھڑ وی لتا ہے۔گیارہ سالہ رحیم یار خان دی بالڑی سیکٹر E11/3وچ اک گھر کم کردی سی جتھے اوس نوں کدی بیلٹاں نال کٹیا جاندا سی تے کدی گرم چھری اوس تے لائی جاندی سی۔چارسال پہلاں اوس دے پنڈ دی اک زنانی بشری اوس نوں ماپیاں دی مرضیاں نال اپنے بھرا دے گھر کھاریاں وچ نوکر کروایا سی جداں ایس بالڑی دی عمر نری ست سال سی۔پچھلے جون وچ بشری ایس نوں اپنی بہن الماس دے گھر نوکری کرن لے آئی جہیڑی اسلا آباد رہندی ہے۔اوس بالڑی نوں چپیڑاں تے پیندیاں ہی سن تے اک دن غصے وچ بی بی میرے وال وی کٹ دتے۔بی بی دا پتر احمد امتیاز وی مینوں کٹدا رہندا سی اتے اک دن بی بی اوس نوں آکھیا کہ میں تیرے تے گرم پانی سْٹ کے مار دواں گی۔بس ایس توں بعدوں بالڑی سولہ مارچ نوں گھر دی کند ٹپ کے ہمسائیاں ول ٹر گئی اتے انہاں پلس نوں سدھ لتا۔جے طیبہ تشدد کیس دا فیصلہ ہویا ہوندا تاں ہر کسی نوں کن ہو جانے سن پر جتھے عدالت ایہو فیصلہ نہیں کر سکی کہ ایہہ کیس کس عدالت سننا ہے اتھے انصاف تے اگلی چوناں بعد ہی ملے گا۔پانامہ دا فیصلہ محفوظ تے کڈا رولا، پر طیبہ دی آواز کون بن سی؟


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels