Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> پروین دی ویل:قتل دی ٹریل کون لبھ سی؟ (آڈیو پروگرام سنو)

پروین دی ویل:قتل دی ٹریل کون لبھ سی؟ (آڈیو پروگرام سنو)

لوک لہر ریڈیو شو
March 15th, 2017

عقیلہ اسمائیل دے مضمون توں کجھ حصے.
اوہ سویرے 7:30 تے پکھیرواں دی آوازاں نال اٹھی، ہمیش وانگ۔ کیونجے اوس دا بستر کھڑکی کول جیہڑی گارڈن ول کھلدی سی۔ کھڑکی تے پردے اوہ ڈیگدی نہیں سی۔ اوس دے بیڈ تے بلیاں، اک پیراں وچ، اک سرہانے ول، انہاں نوں ہن بھک لگ رہی ہے۔ بس منہ ہتھ دھوکے اوہ کچن ول گئی تانجے بلیاں لئی کھانا تیار کرے۔ اوس رتے رنگ دا گوون پایا سی۔ بلیاں توں فارغ تھی کے اوس امی تے اپنے لئی ناشتہ بنایا۔
اوہ اک دو دناں پہلے دا دو(اندرون سندھ) گئی سی جتھے سیلاباں دے مارے بے گھراں لئی رہائشی پروجیکٹ چل رہیا سی۔اوتھے سندھی، پنجابی بے گھرے، اوس نوں اڈیک رہے سن۔
ریڈیو پروگرام لوک لہر(ایف ایم103) تھلے دتے لنک تے کلک کر کے سنو
http://punjabpunch.blogspot.com/2017/03/a-radio-show-for-parveen-rahmana-social.html
سال دی اخیری رات اوہ بھٹ شاہ جاندی سی اتے شاہ عبدالطیف دے مرزا تے سندھو دی’’ ست ملکاواں‘‘(Seven Queens )دا گیت سن دی سی۔ اے ست ملکاواں مومل، سسی، ہیر، لیلیٰ، ساروتھ، مار وی تے سوہنی نیں۔(ذرا غور کرو، سند پنجاب کنج رلیا ملیا ہے پر انہاں قومیتی تے لسانی ٹھیکے داراں انگریز وانگ ایس وچ ونڈیاں پائیاں نیں) ایہہ کلام اوس نوں تازگی بخشدا سی۔ انور راشد مذاق وچ آکھدا سی، جے پروین بھٹ شاہ ویلے جمی ہوندی تاں ایس دے ناں نوں وی ملکاواں وچ لطیف رلتی کرلینا سی۔ مزار نال جڑے بازار وچ اوہ دکاناں تے کھلوندی تے انہاں دا حال چال وی پچھدی تے شے واں وی لیندی۔ اوہ اینج ہی کردی، جداں اوچ (پنجاب) جاندی یا کدی ٹھٹہ(اندرون سندھ) یا فیر بھارت، تھائی لینڈ، سری لنکا، نیپال، سوئیزر لینڈ وچ، ہر تھاں ا وہ اجہیاں تھاواں لبھ لیندی۔ اوہ پیپلز گورنمنٹ دے سفنے ویکھدی جتھے عام لوکاں نوں تعلیم، روزگار، صحت، رہائش دے مسلے نہ ہون۔ اوس دیہاڑ دفترجاون توں پہلاں اوس مسرت نوں ہدیتا ں دتیاں پئی امی نوں مگروں مسرت ہی ویکھدی سی۔ ’’جے امی منع کرن فیر وی انہاں نوں شامی واک تے لے کے جائیں۔‘‘
اج اوس چٹا کرتا تے شلوار (ہورے کیوں) پائی سی۔ میرون اجرک اوس موڈھے تے لتی تے پیراں وچ کولہہ پوری سلیپر۔ مسرت جاندی بی بی نوں آکھیا ’’باجی اج تے بڑی فریش لگ رہی ہیں۔‘‘ تساں گرمیاں دی کپڑے شروع کردتے نیں۔ اوس دے کول چاندی رنگ دا ٹفن، ہتھ وچ پانی دی بوتل تے موڈھے تے کپڑے دا بیگ نما تھیلا۔ گڈی وچ بیٹھن تو پہلاں اوس ماں دے متھے تے پیار کیتا۔ گڈی وچ ڈرائیور ولی داد تیار سی۔ گڈی چلی تے تھوڑی اگے جا کے پروین نوں خیال آیا، میں اپنا موبائل گھر بھل گئی ہاں۔ ولی داد آکھیا، تساں تے کدی موبائل نہیں بھلدے، باجی۔ ’’سویرے توں بہوں فون آرہے سن تے میں فون آف کرکے امی نوں دے چھڈیا سی۔‘‘(پروین گل پرتائی)
گھر آئی تے سب حیران ،پر تسلی ہوئی کہہ کجھ ہور مسئلہ نہیں بس فون بھل گئی سی پروین۔ مڑ گڈی وچ بیٹھن توں پہلاں اوس ماں نوں سینے نال لایا اتے آکھیا اج میں جلدی آواں گی۔
اج 13 تریخ، اوس دفتر وچ کم کرن والیاں نوں آکھیا پئی گڈاپ دی Mapping کرنی ہے۔ (گوٹھ گڈاپ جیہڑا مافیا دا وڈا گڑھ تے سمگلراں دے گوداماں دا بھنڈار۔فاٹا وانگ، سمندری رستیاں توں ہون والی سمگلنگ دا پردھان) اوہ جاندی سی پئی گڈاپ، کیمیاڑی، بن قاسم دے گوٹھاں دی زمیناں دی قیمتیاں ودھ رہیاں نیں اتے پلاٹ مافیا پاروں انہاں تھاواں تے رہن والیاں تے ہن افتاد پئے گی۔ ماڑیاں نوں سب توں پہلاں کڈہیا جاندا ہے(ایہہ اوس دی ہڈ بیتی وی سی تے پاکستان دی جگ بیتی وی) اوہ فروری 1972 وچ جداں ڈھاکہ سی اوس ویلے وی اوس نے اقتاد ویکھی سی۔ انہاں نوں اپنا گھر زبردستی چھڈنے پئے سن۔(وجہ کجھ وی ہوئے، سچا جھوٹا کوئی وی ہوئے پر عام بندے تے اک وار فیر بے گھر ہوئے سن) اوس ایس دکھ نوں سب دا دکھ سمجھ کے زندگی دا رستہ لبھیا۔
پانی دی چوریاں کراچی دا، پلاٹاں تے قبضیاں توں وی وڈا مسلہ۔(سندھ سرکار سپریم کورٹ وچ2012 وچ دسیا پئی کراچی وچ پورے اک سو hydrant نیں جتھوں ٹینکر مافیا پانی چوری کریندا ہے۔کراچی آپریشن ترے سالاں توں جاری پر پانی دی چوریاں رکیاں ناہیں۔) اوس دسیا پئی کسے نوں Hotel Beach Luxury کول کھلناہوسی۔ اوس دے باہر اک Hydrant ہے. کسے نوں ملیر چھاونی ول وی گھلنا ہے۔اوہ بولدی گئی۔ اوس نوں دفتر والیاں جواب دتا،اشرف اک وار ہوٹل ول گیا سی۔ پر اوس نوں تصویر بناون توں روک دتا گیا سی۔ ایہہ سب خطرناک جے۔
عقیلہ اسمائیل ہوری پروین دی بہن ہے اتے انہاں دے مضمون دا لنک تھلے دے رہے ہاں۔
https://www.dawn.com/news/1320210/in-memory-of-my-sister-perween-rahman


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels