Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانی ٹیچراں پردہ نہ کیتا تے سکول تے بم ماراں گے۔افغان مجاہدین گروپ۔اے این پی خموش

زنانی ٹیچراں پردہ نہ کیتا تے سکول تے بم ماراں گے۔افغان مجاہدین گروپ۔اے این پی خموش

وچار ڈیسک
March 12th, 2017

اوہ سکول وچ آوڑے تے توڑ بھن کرن بعدوں اک خط چھڈ گئے۔ایہہ خط افغان مہاجرین گروپ ولوں پرنسپل دے ناں سی۔ایہہ پہلا حملہ نہیں۔کوئٹہ،تربت توں گلگت بلتستان تیک ’’افغان مہاجراں‘‘ اسلام دی آڑاں تے ’’پختون ولی‘‘ مگر لک کے جو ات مچاندے رہے نیں اوس خلاف پختون قوم پرست کیوں خموش رہندے نیں؟کڑیاں دے سکول انہاں دا وڈا نشانہ ہوندے نیں۔کوئٹہ وچ پاکستان بنن توں بہوں پہلے گئے پنجابیاں دی ٹارگٹ کلنگ تے ایہہ اک بیان وی نہیں دیندے کیونجے انہاں نوں پتہ ہوندا ہے پئی خوف پاروں پنجاب جاون والیاں دی جداداں اونے پونے داماں تے خریدن والے پراپرٹی ڈیلر کون نیں۔تربت وچ ذکریاں خلاف ’’نمازیاں‘‘ دا روپ کس بنایا سی اتے اج وی ’’افغان مہاجراں‘‘ نوں اپنی حاکمیتاں لئی ورت رہیا ہے۔ ہن گلگت بلتستان توں اک ہور خبر آئی ہے۔تھاں ہے گیزر جس دا قدیمی ناں گوپی دریا دے ناں توں ہے اتے ایہہ تھاں قدیمی درے’’در کٹ‘‘ پاروں چترال نال جڑدا ہے۔ایہہ پرانے ریشمی رستے(سلک روٹ) نیڑے اہم تجارتی رستے وکسو(واہ خاں) جان پاروں اہمیتاں رکھدا ہے۔گیزر وادی دے ’’گاہ کجھ‘‘ ٹاؤن دے اک تعلیمی ادارے’’آکسفورڈ پبلک سکول‘‘ وچ جمعراتی اک گروپ حملہ کیتا تے سکول وچ توڑ پھوڑ کرن بعدوں پرنسپل دے ناں پرچہ چھڈ گئے۔ سکول اوس ویلے بند سی پر اوہ اگلی وار دن دے ٹیم وی آسکدے نیں۔خط وچ لکھیا سی پئی تہاڈیلیڈی ٹیچراں پردہ نہیں کردیاں اتے جے تساں انہاں نوں پردہ نہ کرایا تاں اساں سکول نوں بم مار کے اْڈا دواں گے۔ضلع گیزر(پھنڈر وادی) دی پنج تحصیلاں نیں جنہاں وچ گوپی انتظامیہ دا مرکز ہے ۔پونیال تے پھنڈر دی تحصیلاں وی نیں تے ضلعے وچ بہوں سارے سکول، کالج نیں۔اک وڈی اہمیت ایتھے درے نیں جنہاں وچ درکٹ،شندور،تھوئی درے رلتی نیں۔مقامی لوکاں دا آکھنا ہے ایتھے ایہہ کوئی پہلا وقوعہ نہیں۔پلس وی ایہہ منیندی ہے پئی پہلاں وی اجہے واقعے ہوندے رہے نیں اتے پلس تے فوج ات گرداں مگر ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels