Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> دوجے ویاہ لئی بیگم توں اجازت اسلام دے خلاف جے۔ عدالت وچ پٹیشن

دوجے ویاہ لئی بیگم توں اجازت اسلام دے خلاف جے۔ عدالت وچ پٹیشن

March 7th, 2017

کل 8 مارچ نوں زنانیاں دا عالمی دیہاڑ منایا جارہیا ہے۔ ایس دیہاڑ لئی اختر حسنین تے صفدر شاہین نامی دو بندیاں اک نواں تحفہ دین دا کم چایا ہے۔ اوہ کم جیہڑا ضیاالحق وی نہیں کرسکیا سی اوہ عدالتاں توں کروان دی کوششاں ہورہیاں نیں۔ درخاست گذاراں نے فیملی لاء دے قنون دی شق چھ نوں چیلنج کیتا جے۔ ایہہ آکھیا ہے پئی ایس قنون موجب دوجی شادی توں پہلاں مرد نوں پہلی بیوی کولوں اجازتاں لیناں لازم نیں۔ درخاست گذار نوں قنون اوس دن بھیڑا لگیا جداں اوس دی پہلی بیوی فرزانہ اوس نوں اتے اوس دی دوجی بیوی نورین نوں تنگ کیتا۔ گھر دے مسئلہ نوں ’’قومی مسئلہ‘‘ بنان والیاں نوں ہن عدالتاں کیہ آکھدیاں نیں ایس بارے لگ پتہ جائے گا۔پر میڈیا وچ ہون والی رپورٹنگ توں پتہ چلدا ہے پئی ساڈے ایتھے ایس قنون اتے ایس دی تواریخ بارے کڈی جانکاریاں نیں۔بہوں سارے تے ایوبی پروپیگنڈا دا شکار نیں۔درخاست دین والیاں نوں وی پتہ ہی نہیں کہ فیملی لاء قنون کس بنائے سن؟ ہر کوئی سمجھدا ہے پئی ایہہ قنون ایوب خان بنائے سن۔ زنانیاں دے حقاں لئی پہلی آئین ساز اسمبلی نوں مشورے دین لئی اک کمیشن پہلے چیف جسٹس آف پاکستان سر عبدالرشید دی پردھانی وچ بنایا گیا سی۔ جج رشید ہوری ست سال کم کرن بعد 29 جون 1954 وچ رٹائر ہوئے سن اتے اوس بعدوں اوہناں ایس کمیشن دی پردھانی کیتی۔ ایس کمیشن اک رپورٹ تیار کیتی اتے 1956 دی اسمبلی وچ اوس تے بحثاں وہی ہوئیاں۔ ایوب دا فیملی لاء آڈینس اوسے رپورٹ توں لتا گیا سی پر اوس دا ذکر کرنا ایوبی شاناں دے خلاف سی۔ انگریزاں وانگ ڈکٹیٹر وی سانوں ایہو دسدے رہے پئی انہاں آکے سانوں متاں دتیاں۔ ہر قبضہ گیر ایہو کجھ کردا ہے پر جداں اوس نوں رگیدن والے وی اوس دے پھیلائے جھوٹ دا شکار ہو جاون تے گل گواچ جاندی جے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels