Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> جہاز دا سارا عملہ زنانیاں:دلی توں امریکہ جانا تے واپسی

جہاز دا سارا عملہ زنانیاں:دلی توں امریکہ جانا تے واپسی

وچار ڈیسک
March 6th, 2017

بھارت:زنانیاں دا دیہاڑ نیڑے آرہیا ہے اتے ایس حوالے نال آپدا ناں گنیز بک آف ورلڈ ریکارڈ وچ رلتی کروان لئی بھارتیاں نواں کم پایا ہے۔ لگدا ہے امریکیاں انہاں نوں ایہہ مت دتی ہے۔ پریس ٹرسٹ آف انڈیا دسیا ہے پئی پچھلی پیر نوں دلی توں اک اجیہا جہاز اڈیا گیا جس وچ پائلٹ اتے سارا عملہ ہی زنانیاں تے مشتمل سی۔ زنانیاں نری جہاز وچ کم نہیں کررہی سن سگوں چیک ان توں ٹریفک والیاں تیک گراونڈ تے وی زنانیاں ہی سن۔ ایہہ جہاز پیسفک سمندراں توں اٹالانٹک ٹپدا سان فرانسکوں اپڑیا اتے جمعہ نوں مڑ نیو دلی اتریا۔ آندے نال ہی فٹافٹ ایس خبر نوں گنیز بک آف ورلڈ ریکارڈ لئی گھل دتا گیا ہے۔ اٹھ مارچ زنانیاں دا عالمی دیہاڑ جے اتے اوہ ایس وقوعے نوں ایس دن پاروں دسنا چاہندے نیں۔ایہہ ہورے سافٹ انڈیا دے پروجیکٹ دا حصہ جے۔جے پاکستان تے بھارت اک دوجے خلاف لت کھچ پروگراماں توں ویلے ہوجاون تے اوہ اجہے کڈے ہی وڈے ورلڈریکارڈ بناسکدے نیں۔ ایہہ جہاز انڈیا دی سرکاری ائیر لائن ’’ائیر انڈیا‘‘ دا سی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels