Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ہائے بے شرمی تیرا آسرا:چیئرمین پی ٹی وی تے انفارمیشن وزارت خموش

ہائے بے شرمی تیرا آسرا:چیئرمین پی ٹی وی تے انفارمیشن وزارت خموش

وچار ڈیسک
March 2nd, 2017

پاکستان وچ وڈا مسلہ ’’پیٹی بند‘‘ بھرانواں دا اک دوجے نوں بچانا ہے۔تنزیلہ مظہر اوہ خاتون جس نے اک ٹی وی افسر اتے مشہور صحافی آغا شورش کاشمیری دے پتر مسعود شورش تے جنسی ہراساں کرن دا الزام لاون دی’’ غلطی‘‘ کیتی سی۔ جداں سوشل میڈیا تے کھپ پئی تے وزارت تے چیئر مین پی ٹی وی نے ’’مک مکا‘‘ کروادتا۔ تنزیلہ تے دوجی لیڈی اینکر دی نوکریاں بحال ہوگیاں۔ پر انہاں نوں نہ تے کم ملیا اتے ڈائریکٹر نیوز نوں مڑ اوس دے عہدے تے لادتا گیا۔ مشرق دی تقدیساں دا چولا پاون والیاں دا مک مکا چل نہیں سکیا اتے اخیر تنزیلہ نوں ہی استعفیٰ دینا پیا۔ تنزیلہ اپنے استعفیٰ نوں وی سوشل میڈیا تے چڑھا دتا اتے آکھیا جداں مینوں کم ہی نہیں دتا جارہیا تے میں مفت دی سرکاری تنخواہ کیوں لواں۔ پی ٹی وی دے چیئر مین وی اک صحافی نیں اتے زنانیاں دے حقاں دی گل وی کردے نیں۔ ایس کیس پاروں پی ٹی وی دی بدنامی وی ہوئی تے مسلم لیگ (ن) دے زنانیاں دے حقاں بارے وی گل ہو رہی ہے۔ ایہہ سب اک کھیڈ وانگ نظر آرہیا ہے جس وچ زنانیاں نوں ہی قصور وار آکھیا جاریا ہے۔ایس کیس نوں تے اسمبلیاں وی چکیا سی اتے جس ادارے بارے کیس اسمبلیاں دی کمیٹیاں وچ جاندا ہے اوس دا پردھان ہمش پردے پاون دی کوششاں کردا ہے۔ زنانیاں دے حقاں دی گل کرن والے وی چپ نیں۔ ایہہ درست کہ کجھ اداریاں دے سربراہ ایس قنون نوں اپنے ویریاں خلاف ورت رہے نیں اتے کجھ ایسے وی نیں جہیڑے مک مکا کروارہے نیں۔ ایہہ سب ایس چنگے قنون نوں رولن والی گلاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels