Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> مروّت فارغ:دھیاں ماں نوں خش کیتا۔۔آصفہ تے بختاور۔۔کرا دتا باور

مروّت فارغ:دھیاں ماں نوں خش کیتا۔۔آصفہ تے بختاور۔۔کرا دتا باور

وچار ڈیسک
February 27th, 2017

کجھ دن پہلاں پی ٹی آئی دے نادر اکمل لغاری تے غلام اسحاق دے جوائی عرفان اللہ مروت دی پی پی پی جوائن کرن دی خبراں آئیاں سن۔ انہاں خبراں دی کسے تردیداں نہیں کیتیاں سن۔مروت اوس ویلے بدنامیاں کھٹیاں سن جداں اس داسوہرا پاکستان دا صدر سی تے سندھ وچ جام صادق علی دا راج سی جہیڑا ’’سمہ‘‘ قبیلے دا وڈکا وی سی۔اوسے دور وچ متحدہ پنجاب دے وزیر اعظم دی دھی وینا حیات نال ریپ دے واقعہ دے کیس وچ مروت ہوراں دا ناں بہوں بدنام ہویا سی۔کراچی وچ ایوب خان دے پتر دی ’’بدماشیاں‘‘ دی یاد تازہ کرن والے ایس واقعہ نیں بہوں اثر پایا سی۔وینا ہوراں دی یاری کیونجے بی بی بینظیر بھٹو نال سی تاں مارے ایس کیس نوں پی پی پی خلاف کاروائی وی آکھیا گیا سی اتے عالمی اخباراں وچ وی بہوں کجھ لکھیا گیا سی۔مروت ہوری مشرف دے دور وچ سندھ دے وزیر بنائے گئے سن جس توں پتہ چلدا ہے پئی مشرف نوں ’’زنانیاں دے حقاں‘‘ دا کڈا پاس سی۔مشرف دی تقلید وچ انہاں نوں مسلم لیگ (ن)وچ وی واڑیا گیا اتے اوہ 2013وچ سندھ دے ایم پی اے بنے۔پر بی بی بینظیر بھٹو دی دھیاں آصفہ تے بختاور رواجی پاور پالیٹکس توں پراں جا کے اوہ کم کیتا جس نال بی بی دی روح خش ہو گئی۔انہاں دوناں دھی رانیاں دے بیاناں دے بعدوں زرداری ہوراں تے در وٹ لتا تے مروت پی پی پی وچ شمولیت توں انکاری تھی گئے۔شہلا رضا آکھیا اساں وینا کیس بعدوں بہوں کجھ بھگتیا سی اتے میں آپوں پلس تشدد دا نشانہ بنی ساں۔میں دھیاں دے بیان نال ہاں۔ سب توں بھیڑا بیان قرار حسین دے پتر تاج حیدر دا سی اتے انہاں دھیاں دے بیان نوں ذاتی آکھ کے اپنی پوزیشن دس دتی۔مولا بخش چانڈیو دھیاں دی حمائیتاں کیتیاں اتے مروت نوں مشورہ دتا پئی اوہ کھلے عام معافی منگ لے تے ’’توبہ‘‘ دے دروازی کھلے نیں۔ہن میاں نواز شریف نوں وی اجہے بندے بارے گل کرنی چاہیدی ہے کیونجے مشرف دی سیاستاں نوں ہر پدر تے مسترد کرنا لوڑی دا ہے۔ایہہ بی بی دی دھیاں دی سیاسی ’’انٹری‘‘ وی ہے اتے ہن زرداری ہوراں نوں بچیاں دے مگر ٹرنا ہو سی جس نال پارٹی وچ نواں خون آئے گا۔ مروت نوں جداں کجھ نظر نہ آیا تے انہاں سارا غصہ سینیٹر تے بیبے سیاستدان سعید غنی تے لا دتا جے. پر ایس الزام پاروں غنی ہوراں دا سیاسی قد ہور اْچا ہویا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels