Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانیاں دی افغانستان سمگلنگ:چیف جسٹس سوموٹو نوٹس لے لتا

زنانیاں دی افغانستان سمگلنگ:چیف جسٹس سوموٹو نوٹس لے لتا

وچار ڈیسک
February 25th, 2017

جنوری دی 23 تریخ نوں میڈیا وچ آئی خبراں اتے کالم پاروں چیف جسٹس آف پاکستان میاں ثاقب نثار ہوراں پاکستانی زنانیاں نوں جنسی سمگلنگ پاروں افغانستان لیجاون خلاف نوٹس لے لتا ہے۔ پنجاب تے اسلام آباد دے جڑواں شہراں دے آئی جیز نوں ترے دناں وچ جواب دین دا آکھیا گیا ہے۔ ایہہ کوئی اکلی خبر نہیں سگوں وزیراعظم نے وی مری وچ اک گینگ بارے نوٹس لتا ہے جیہڑا نکے منڈیاں نوں اغوا کر کے ’’مری‘‘ کول رکھدا ہے۔ ایہہ بچے بعد وچ کتھے لیجائے جاندے نیں ایس بارے بہوں سوال اٹھ رہے نیں۔
زنانیاں نوں افغانستان لیجاون دی خبر سامنے آئی کہ جس مطابق اک 40 سالہ ترے بچیاں دی ماں نوں کجھ بندے اغوا کیتا تے افغانستان لے گئے۔اوس نمانی دے خصم نال اغواء کرن والیاں نال رابطہ کیتا تے انہاں 3 لکھ روپے منگے جیہڑے اوس نمانی کول نہیں سن۔ یکم جنوری 2017 نوں ایہہ کیس ائیرپورٹ پلس کول رجسٹرڈ ہوچکیا ہے پر ایس وچ کوئی پیش رفت نہیں ہوئی۔ ایہہ گل دسی گئی ہے پئی 150 افغاناں دا اک گینگ ایس کم وچ ملوث ہے اتے اوہ پاکستانی زنانیاں نوں اغوا کرکے افغانستان لیجاندا ہے۔چیف جسٹس ہوراں سوموٹو نوٹس لے لتا ہے۔ جے تسی وزیراعظم تے چیف جسٹس دے نوٹساں والی خبراں نوں رلا کے پڑھو تاں صورتحال دی سنگینیاں دا ندازہ لانا اوکھا نہیں رہندا۔ایہہ سب ایکسپریس ٹربیون چھاپیا ہے۔ ایہہ نہیں ہوسکدا پئی ایہہ افغان لوکل مدد توں بغیر ہی ایہہ کم کردے ہون۔ ایہہ قوم پرستی دا مسئلہ نہیں سگوں انسانی سمگلنگ دا مسئلہ ہے۔ افغان مہاجرین دی آڑ وچ جیہڑے جرم تے سمگلنگ ہوندی ہے اوس بارے پرانے بیانیے پاروں اساں اکھاں میٹیاں ہوئیاں سن۔ بچیاں تے زنانیاں بارے کم کرن والیاں ا ین جی اوز نے کئی وار ایس بارے دھیان دوایا اتے انہاں دی رپورٹاں وی چھیاں ملدیاں نیں۔پر پرانے بیانیے پاروں افغان مہاجر نوں وی اک اثاثہ ہی سمجھیا جاندا سی۔اوہ جہیڑے کل تیک افغان مہاجراں نوں افغان بھگوڑے اتے طالبان آکھدے سن اوہ اج انہاں نوں اپنی طاقتاں دا گھما بناون لئی اپناندے پھردے نیں اتے انہاں دے کجھ ہور این جی اوز دے بھائی بند زنانیاں تے بچیاں نوں بھل کے ایس نوں پختون قوم پرستیاں مگر لکانا چاہندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels