Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> خیبر پختونخوا گڈ گورنینس:این جی او دی زنانی قتل، والد کینسر نال مرچکیا سی

خیبر پختونخوا گڈ گورنینس:این جی او دی زنانی قتل، والد کینسر نال مرچکیا سی

وچار ڈیسک
February 10th, 2017

کوہاٹ:27 سالہ حنا شاہنواز اپنے خاندان دی اکلی کفیل سی۔ اوس دا وڈا قصور ایہہ سی پئی اوہ اک این جی او وچ کم کر کے اپنے گھر والیاں دی غربتاں مٹا رہی سی۔ کوہاٹ دے ایس پی انویسٹی گیشن ثنا اللہ ہوراں نے ایس خبر دی تصدیقاں کیتیاں نیں۔ پلس قاتل محبوب نوں پھڑن وچ ہلے تیک ناکام ہے تے قاتل دوڑیا ہویا ہے یا دوڑا دتا گیا ہے۔پلس نے اوہی کیتا جو اوہ پورے پاکستان ہر صوبے وچ کردی ہے۔پلس نے قاتل دے بھرا تے پیو نوں پھڑیچیا ہویا ہے۔
حنا ایم اے فلسفہ کیتا ہے اتے اوس نوں اپنے والد دے مرن بعدوں اپنے گھر والیاں نوں پالنا پئے گیا سی۔ اوس نمانی دا پیو کینسر دا مریض سی۔ اوس اْتے مصیبتاں دے پہاڑ ٹٹدے رہے کیونجے کجھ عرصہ بعدوں اوس دا بھرا وی قتل ہوگیا تے حنا اپنی بھرجائی تے اوس دے بالاں نوں وی پالنا شروع کردتا۔ ہلے اوس دی نمانی زندگی تے ہور بھار ودھنا سی۔ اوس دی بہن دے خصم نے خود کشی کر لتی تے ہن ایہہ بوجھ وی حنا چک لتا۔ ذرا غور کرو کوئی اوس نمانی دی مدد لئی نہیں ودھیا تے دوجے پاسے اوس دے نانکے ولوں اک بھیڑیا اوس دے مگر پئے گیا۔ اوس نوں حنا دی این جی او وچ نوکری کرن تے اعتراض سی۔ اعتراض تے اک بہانہ سی کیونجے حنا اوس نال شادی لئی راضی نہ سی۔ پھیر اک دن اوس حنا نوں ہی مارچھڈیا۔ پلس نوں حنا دا ڈی این اے وی کرانا چاہیدا ہے ۔عمران خان نوں بنی گا لہ توں ہلنا چاہیدا ہے پئی اوہ اک کینسر دے مریض دی دھی رانی سی۔پلس تے ہر تھاں روائتی طریقے ہی اپناندی ہے۔ ملزم نوں دوڑا دینا اک پرانا پلساں دا وطیرہ ہے۔ این جی اوز والیاں نوں وی اگے آنا چاہیدا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels